جىل سايىن 8 شىلدەدە دۇنيەجۇزىلىك اللەرگيامەن كۇرەس كۇنى اتاپ وتىلەدى. بۇل كۇن 2005 جىلى دۇنيەجۇزىلىك اللەرگيا ۇيىمى مەن دۇنيەجۇزىلىك يممۋنوپاتولوگيا ۇيىمىنىڭ شەشىمىمەن بەلگىلەنگەن.
اتاۋلى كۇننىڭ ماقساتى — جۇرتشىلىقتى اۋرۋدىڭ بەلگىلەرى تۋرالى حاباردار ەتۋ، تۇراقتى تەكسەرۋلەردەن وتۋگە ناسيحاتتاۋ، دەپ حابارلايدى Almaty-akshamy.kz
«اللەرگيا» تەرمينىن 1906 جىلى بالالار دارىگەرى كلەمەنس فون پيركە ەنگىزگەن. سيمپتومدار ەجەلدەن بەرى بەلگىلى. اللەرگيا تۋرالى العاش رەت ەجەلگى ەگيپەتتە ايتىلعان، ءبىراق ونى اۋقىمدى زەرتتەۋ تەك ءحىح عاسىردا باستالدى.
اللەرگيا – بۇل ورگانيزمنىڭ قورشاعان ورتانىڭ كەيبىر فاكتورلارى — اللەرگەندەردىڭ اسەرىنە جوعارى سەزىمتالدىق جاعدايى، وسى زاتتاردىڭ قايتا اسەرىنەن ءورشيدى. بۇل اۋرۋدىڭ دامۋىنا ىقپال ەتەتىن فاكتورلاردىڭ ىشىندە ەڭ كوپ تاراعاندارى: قورشاعان ورتانىڭ لاستانۋى، پسيحولوگيالىق شامادان تىس جۇكتەمە، كليماتتىڭ وزگەرۋى، ساپاسىز تاماق ونىمدەرى، دارى-دارمەكتەردى باقىلاۋسىز قولدانۋ.
كارديولوگيا جانە ىشكى اۋرۋلار عزي رەسپۋبليكالىق اللەرگولوگيا ورتالىعىنىڭ باسشىسى اراي باتىربايەۆانىڭ ايتۋىنشا، كەز كەلگەن اللەرگيانىڭ نەگىزگى سەبەپتەرى ادامنىڭ گەنەتيكاسىنا نەگىزدەلگەن. كوبىنەسە اللەرگيا ەرتە جاستا تاعامعا جوعارى سەزىمتالدىقپەن پايدا بولا باستايدى.
«اللەرگيالىق اۋرۋلاردىڭ الدىن الۋ ءۇشىن اللەرگيا تۋدىراتىن زاتتاردى انىقتاۋ جانە ەستە ساقتاۋ قاجەت. ولارمەن بايلانىستا بولۋدان اۋلاق بولىڭىز، قاجەت بولعان جاعدايدا وزىڭىزگە قالاي كومەكتەسۋگە بولاتىندىعىن ءبىلىڭىز. ەگەر وسىمدىك توزاڭىنا اللەرگياڭىز بولسا، اۋا تەمپەراتۋراسى جوعارى بولعان كەزدە كۇنگە شىقپاڭىز، ماسكانى قولدانىڭىز. ەگەر جاندىكتەر شاعىپ، ورنىندا جاندىكتىڭ ۋى قالسا، ونى الىپ تاستاڭىز جانە تىستەگەن جەرگە سۋىق كومپرەسس قويىڭىز. ۇيدەگى ءدارى قوبديشاسىندا دارىگەر تاعايىنداعان دارى-دارمەكتەر بولۋى كەرەك. وزدىگىنەن ەمدەۋمەن اينالىسپاي، مەديسينالىق مەكەمەگە جۇگىنىڭىز»، - دەيدى دارىگەر.
ايتا كەتۋ كەرەك، كىاعزي رەسپۋبليكالىق اللەرگولوگيا ورتالىعىندا اللەرگولوگ دارىگەرلەردىڭ بىلىكتى كەڭەستەرى، اللەرگيالىق اۋرۋلاردى دياگنوستيكالاۋ جانە ەمدەۋ جۇرگىزىلەدى. قابىلداۋ كۇن سايىن ءمامس شەڭبەرىندە جانە اقىلى نەگىزدە ساعات 8:00-دەن 17:00-گە دەيىن ايتەكە بي كوشەسى، 120/1 جانە پياتنيسكيي كوشەسى، 52 مەكەنجايى بويىنشا جۇرگىزىلەدى. 233-00-90 جانە 309-08-99 تەلەفوندارى ارقىلى جازىلۋعا بولادى.