الەمدىك مۇناي باعاسى تومەندەپ جاتىر.
قازاقستان قور بيرجاسىنىڭ مالىمەتى بويىنشا، دوللاردىڭ ورتاشا سارالانعان باعامى 1،66 تەڭگەگە كوتەرىلىپ، 447،32 تەڭگە بولدى، دەپ حابارلايدى Almaty-akshamy.kz
جۇڭگو ءيۋانىنىڭ ورتاشا سارالانعان باعامى كوتەرىلىپ، 62،45 تەڭگە (+0،03) بولدى.
ەۋرو باعامىن ۇلتتىق بانك 479،4 تەڭگە، ءرۋبلدى 5،4 تەڭگە دەپ بەلگىلەدى.
اقشا ايىرباستاۋ ورىندارىندا دوللار 446-450 تەڭگە، ەۋرو 482-487 تەڭگە، رەسەي ءرۋبلى 5،29-5،53 تەڭگە ارالىعىندا ساۋدالانىپ جاتىر.
ال 12 ماۋسىمداعى ساۋدا بارىسىندا الەمدىك مۇناي باعاسى تومەندەپ جاتىر.
Brent ماركالى مۇنايدىڭ قۇنى باررەلىنە 74 دوللاردان ءتۇستى. استانا ۋاقىتىمەن 15:30-داعى جاعداي بويىنشا لوندوننىڭ ICE بيرجاسىندا Brent ماركالى مۇنايدىڭ تامىز ايىنداعى فيۋچەرستەرىنىڭ باعاسى باررەلىنە 1،77%-عا ارزانداپ، 73،02 دوللار بولدى.
شىلدە ايىنداعى WTI ماركالى مۇناي فيۋچەرستەرىنىڭ باعاسى باررەلىنە 1،83%-عا ارزانداپ، 68،33 دوللار بولدى.