بۇگىن ءبىز گۇلدەنگەن مەملەكەتتە ءومىر ءسۇرىپ جاتىرمىز – مەكتەپ ديرەكتورى

«الماتى – تاۋەلسىزدىكتىڭ التىن بەسىگى» كونسەرتى

تاۋەلسىزدىكتىڭ 30 جىلدىق مەرەيتويىنا ارنالعان كونسەرتكە قاتىسقان تىرەك-قيمىل اپپاراتى بۇزىلعان بالالارعا ارنالعان №2 مامانداندىرىلعان تۇزەتۋ مەكتەپ-ينتەرناتىنىڭ ديرەكتورى باقىت ەرمەكوۆا ءوز اسەرىمەن ءبولىستى.

«وسى ينتەرناتتا 1988 جىلدان باستاپ جۇمىس ىستەيمىن، ءمۇعالىم لاۋازىمىنان باستادىم. بۇگىنگى ەڭبەك قىزمەتىنىڭ باستالۋىن ەسكە تۇسىرە وتىرىپ، بۇرىن تىرەك-قيمىل اپپاراتى بۇزىلعان بالالار بىلىممەن از قامتىلعان، ۇيدە كوپ بولعان، ءبىراق ءقازىر تاۋەلسىز ەلدە بالالاردىڭ وزدەرىن جۇزەگە اسىرۋى ءۇشىن بارلىق جاعدايلار جاسالۋدا دەپ ايتا الامىن. ءبىزدىڭ مەكتەپتە بالالار تەك وقىپ قانا قويماي، سپورتپەن دە اينالىسادى، ءبىزدى قازاقستان فۋتبول فەدەراسياسى قولدايدى، بالالار دا جۇزۋمەن اينالىسادى. بىزگە جەرگىلىكتى اتقارۋشى ورگاندار قولداۋ كورسەتەدى، سونىڭ ارقاسىندا بالالار وزدەرىن شەكتەۋلى دەپ سانامايدى. بۇگىن ءبىز گۇلدەنگەن مەملەكەتتە ءومىر ءسۇرىپ جاتىرمىز. الماتىنىڭ بارلىق تۇرعىندارىن تاۋەلسىزدىك كۇنىمەن قۇتتىقتايمىن! ءار ءتۇرلى، ادەمى كونسەرت ءۇشىن، ءبىزدىڭ مەرەكەمىزگە جاقسى كوڭىل-كۇي سىيلاعان كەرەمەت ورىنداۋشىلار ءۇشىن ۇلكەن راحمەت»،-دەدى مەكتەپ ديرەكتورى.