قازگيدرومەت ەل اۋماعىندا 14 ناۋرىزدا بولاتىن مەتەورولوگيالىق قۇبىلىستارعا بولجام جاسادى.
ۆەدومستۆونىڭ مالىمەتىنشە، ەلدىڭ باسىم بولىگىندە اتموسفەرالىق فرونتالدى بولىمدەردىڭ وتۋىمەن اۋا رايىنىڭ تۇراقسىز سيپاتى ساقتالادى، دەپ حابارلايدى اlmaty-akshamy.kz.
«سولتۇستىكتە، شىعىستا، ورتالىقتا قار جاۋادى، وڭتۇستىكتە، وڭتۇستىك-شىعىستا جاڭبىر مەن قار تۇرىندە جاۋىن-شاشىن بولادى. تۇركىستان، جامبىل، الماتى وبلىستارىنىڭ تاۋلى اۋداندارىندا، وڭتۇستىكتە تاۋلى اۋدانداردا قاتتى جاۋىن-شاشىن كۇتىلەدى»، دەپ جازدى سينوپتيكتەر.
تەك ق ر باتىسىندا انتيسيكلوننىڭ اسەرىنەن جاۋىن-شاشىنسىز اۋا رايى بولادى. ەل بويىنشا تۇمان، جەلدىڭ كۇشەيۋى، سولتۇستىكتە، شىعىستا، ورتالىقتا جاياۋ بۇرقاسىن، وڭتۇستىكتە، ورتالىقتا كوكتايعاق كۇتىلەدى.
كۇندىز ماڭعىستاۋ وبلىسىنىڭ وڭتۇستىگىندە، باتىسىندا، شىعىسىندا شاڭدى داۋىل بولادى.