بۇگىن ەلىمىزدە العاش رەت اكەلەر كۇنى مەرەكەسى اتالىپ وتەدى.
ناۋرىز ايىندا اشىق نقا پورتالىندا جاريالانعان ۇكىمەت قاۋلىسىنىڭ جوباسىندا اتالعان مەرەكەنى بەكىتۋ ۇسىنىسى كوتەرىلگەن بولاتىن. باستاما نەگىزىندە اكەلەر كۇنىن ماۋسىمنىڭ ءۇشىنشى جەكسەنبىسىنە بەلگىلەۋ جوسپارلاندى، دەپ حابارلايدى Almaty-akshamy.kz.
اراعا ەكى اي سالىپ، پرەمەر-مينيستر ءاليحان سمايىلوۆ ءتيىستى ۇكىمەت قاۋلىسىنا قول قويدى. تيىسىنشە، مەرەكە رەسمي بەكتىلدى.
اكەلەر كۇنىن اتاپ وتۋگە باستاماشى بولعان اقپارات جانە قوعامدىق دامۋ مينيسترلىگىنىڭ مالىمەتىنشە، اتالعان مەرەكە ەلىمىزدەگى وتباسى ينستيتۋتىن نىعايتۋعا ىقپال ەتپەك.
«مەرەكەلىك كۇندەردىڭ تىزبەسىنە «اكەلەر كۇنى» مەرەكەسىن ەنگىزۋ قازاقستانداعى وتباسىلىق قۇندىلىقتاردى ىلگەرىلەتۋگە، وتباسى ينستيتۋتىن نىعايتۋعا، سونداي-اق اكەلەر ينستيتۋتىن دامىتۋعا ىقپال ەتەدى. مۇنداي مەرەكە كوپتەگەن الەم ەلدەرىندە بار»، - دەپ ءمالىم ەتتى مينيسترلىكتەن.