«ابايدى تانۋ – ادامنىڭ ءوزىن-وزى تانۋى... اباي ءسوزى ۇرپاقتىڭ باعىت الاتىن تەمىرقازىعىنا اينالۋى قاجەت».
قاسىم-جومارت توقايەۆ.
(«اباي جانە XXI عاسىرداعى قازاقستان» اتتى ماقالاسىنان)
قازاقستان رەسپۋبليكاسى ۇكىمەتىنىڭ قاۋلىسىمەن 10 تامىز – اباي كۇنى بولىپ بەكىتىلگەنى بەلگىلى. اباي كۇنى، ياعني ۇلى اباي قۇنانباي ۇلىنىڭ تۋعان كۇنى – ۇلتتىق، جالپىحالىقتىق مەرەكە رەتىندە قازاقستان رەسپۋبليكاسىنىڭ مەرەكەلىك كۇنتىزبەسىنە ەندى.
بۇگىندە عالىمدار تۇجىرىمداپ جۇرگەندەي، قازاق ەلى ۇلى حاكىم ارمانداعان مۇراتتاردى ءححى عاسىر بيىگىندە تولىقتاي جۇزەگە اسىردى دەپ ماقتانىشپەن ايتا الامىز.
بۇل – «ءبىرىڭدى قازاق، ءبىرىڭ دوس...» دەپ ۇلتتى ۇيىسۋعا ۇندەيتىن، كۇللى الاش جۇرتىن بىرلىككە جۇمىلدىراتىن ۇراندى ورتاعا تاستار ۇلاعاتتى دا تاعىلىمدى كۇن، قاستەرلى داتا! ەلباسى اماناتتاعان «رۋحاني جاڭعىرۋدىڭ» بىرەگەي وقيعاسى!
اباي كۇنى قۇتتى بولسىن، اعايىن!