ۆەنگريا استاناسى بۋداپەشت قالاسىندا ءوتىپ جاتقان گرەك-ريم كۇرەسىنەن رەيتينگىلىك تۋرنيردە بۇگىن، 9 ماۋسىم، جارىستىڭ سوڭعى كۇنىندە قازاقستاندىق ءۇش بالۋان سايىسقا تۇسەدى، دەپ حابارلايدى اlmaty-akshamy.kz.
ەل قۇراماسىنان دەمەۋ جادرايەۆ (77 كەلى)، نۇرسۇلتان تۇرسىنوۆ (87 كەلى) جانە شاميل وجايەۆ (87 كەلى) بوز كىلەمگە شىعادى.
ايتا كەتسەك، رەيتينگىلىك تۋرنيردە ەلىمىزدىڭ ەركىن، ايەلدەر جانە گرەك-ريم كۇرەسىنىڭ شەبەرلەرى ب ا ق سىناپ جاتىر.
ەل قۇراماسىنان الىشەر ەرعالي (97 كەلى)، ءجاميلا باقبەرگەنوۆا (72 كەلى) چەمپيون اتاندى.
ال يۋسۋپ باتىرمىرزايەۆ (125 كەلى) كۇمىس، ريزابەك ايتمۇقان (97 كەلى)، گۇلمارال ەركەبايەۆا (72 كەلى)، 59 كەلىدە ديانا كايۋموۆا (59 كەلى) قولا جۇلدەگەر اتاندى.
ق ر كۇرەس تۇرلەرى فەدەراسياسىنىڭ باسپا ءسوز حاتشىسى اسپانديار ەسەنجولوۆتىڭ ايتۋىنشا، رەيتينگىلىك تۋرنير وليمپيادا الدىنداعى سوڭعى سىناق بولىپ وتىر. بۇدان كەيىن قورىتىندى رەيتينگى شىعارىلادى. سونىڭ نەگىزىندە وليمپيادا جەرەبەسى تارتىلادى. رەيتينگىدە جوعارى تۇرعان بالۋاندار از ۇپاي جيناعان قارسىلاسىمەن كەزدەسەدى. بۇل جونىنەن ازامات داۋلەتبەكوۆ ءبىرىنشى ورىندا كەلەدى. قالعان سپورتشىلار ۇپاي قورىن مولايتۋى ءتيىس.