ول ءۇشىن جاڭادان «Qoldau» اقپاراتتىق جۇيەسى ىسكە قوسىلدى. وعان 24 مەملەكەتتىك ورگاننىڭ بازاسى بىرىكتىرىلگەن.
الماتى قالاسى بويىنشا مەملەكەتتىك كىرىستەر دەپارتامەنتىنىڭ مالىمەتىنشە، ازاماتتار جۇيەنىڭ كومەگىمەن بانكروت مارتەبەسىنە ءوتىنىش بەرىپ، تالاپتارعا سايكەستىگىن اۆتوماتتى تۇردە تەكسەرە الادى، دەپ حابارلايدى almaty-akshamy.kz.
پورتالدىڭ تاعى ءبىر ارتىقشىلىعى – جەكە تۇلعاعا ءوتىنىشى ماقۇلدانباعان جاعدايدا سەبەبى مەن قانداي دەرەكتەردى تۇزەتۋ قاجەتتىگى تۋرالى حابارلاما كەلەدى. شىلدە ايىنداعى اقپارات بويىنشا الماتى قالاسىندا بانكروتتىققا 9 مىڭعا جۋىق ءوتىنىش تۇسكەن. ونىڭ 6،5 مىڭنان استامى قابىلدانباعان. ال 730 ءوتىنىش بويىنشا سوتتان تىس بانكروتتىق ءراسىمى باستالدى. 1400 ازامات بانكروت دەپ تانىلدى.
ايدوس بۇدۇگۇلوۆ، الماتى قالاسى بويىنشا مەملەكەتتىك كىرىستەر دەپارتامەنتىنىڭ باسقارما باسشىسى:
كۇن ىشىندە ءوتىنىم قاراستىرىلىپ، شەشىم شىعادى. تالاپتارعا ساي بولاتىن بولسا، بانكروتتىق ءراسىمى باستالۋ تۋرالى جانە ول ءراسىم 6 اي ىشىندە جۇرگىزىلىپ، 6 ايدان كەيىن ناقتى بانكروتتىق تۋرالى شەشىم شىعارادى. ءوتىنىم بويىنشا كەرى قايتارىلعان بولسا، 3 ايدان كەيىن قايتا ءوتىنىش بەرۋگە قۇقىعى بار.