ارنايى رەەسترگە ەنگىزىلگەن دەرەك كەز كەلگەن قازاقستاندىققا قولجەتىمدى بولادى جانە قارجى جىمقىرىپ، پارا بەرگەندەرگە قوعامدىق باقىلاۋ كۇشەيمەك.
بۇل جايىندا تاشكەنتتە وتكەن ورتالىق ازيانىڭ جەمقورلىققا قارسى پلاتفورماسىن قۇرۋ جونىندەگى جيىندا ءمالىم بولدى. كونفەرەنسيانى بىرىككەن ۇلتتار ۇيىمىڭىڭ وڭىرلىك وكىلدىگى ۇيىمداستىردى. باسقوسۋ بارىسىندا قازاسقتاننىڭ كەيىنگى بىرەر جىلدا 2 ملرد دوللاردىڭ اكتيۆىن قايتارعانى ەرەكشە اتاپ ءوتىلدى، دەپ حابارلايدى Almaty-akshamy.kz.
24.kz مالىمەتىنشە، بۇل ءىستى ەلىمىزدىڭ سىبايلاس-جەمقورلىققا قارسى اگەنتتىگى ورتالىق ازيا جانە ەۋروپالىق ارىپتەستەرىمەن قارقىندى تۇردە جۇرگىزۋدى جوسپارلاپ وتىر. ول ءۇشىن ارنايى كەلىسىمدەر جاسالماق. قايتارىلعان قارجى كەيىن ەلدە الەۋمەتتىك ماسەلەلەردى شەشۋگە جۇمسالادى. ءقازىردىڭ وزىندە 150 ملرد تەڭگە جاڭا مەكتەپتەر سالۋعا ءبولىندى. كورشىلەس كەي مەملەكەتتەر، ونىڭ ىشىندە وزبەكستاننىڭ شەتەل اسقان اكتيۆتەردى قايتارۋ تاجىريبەسى بار. تاراپتار وسى باعىتتا اقپارات الماسۋعا نيەتتى.
جىگەر ءبايدىلدين، ق ر ءسجقىقا 1-قىزمەت باسشىسىنىڭ ورىنباسارى: - بۇل جۇمىستىڭ ءبارى جۇرگىزىلىپ جاتىر. بۇرىن بولعانىمەن، كونستيتۋسيالىق قۇقىقتى بۇزباۋ ءۇشىن ولاردى جاريا ەتۋگە جاتپايتىن مالىمەتتەر بولاتىن. ءبىراق ءقازىر قوعام تاراپىنان باقىلاۋدى كۇشەيتۋ ماقساتىندا جۇمىستار جۇرگىزىلىپ جاتىر.
«كونفەرەنسيادا ورتالىق ازيا ەلدەرىنىڭ ۇرلانعان اكتيۆتى قايتارۋ تاجىريبەسى كەڭىرەك تالقىلاندى. قازاقستاندىق ورگاندار بۇل ءىستى جەدەل ءارى تياناقتى اتقارىپ جاتىر. بىرىككەن ۇلتتار ۇيىمى ونى جوعارى باعالايدى. ەندى ايماقتاعى مەملەكەتتەر بىر-بىرىمەن ارىپتەستىكتى ارتتىرىپ، ۇرلانعان قاراجاتتى انىقتاۋ، قايدا باعىتتالعانىن باقىلاۋعا مۇمكىندىك الۋى كەرەك. ورتالىق ازيا وسى باعىتتا ءبىر پلاتفورماعا بىرىكسە دەيمىز»، - دەيدى بۇۇ ورتالىق ازيا بويىنشا وڭىرلىك وكىلى اشيتا ميتتال.