بريكس قاتارىنا تاعى التى ەل قوسىلادى

ۇيىمعا قاتىسۋشى ەلدەر ارگەنتينا، مىسىر، يران، ەفيوپيا، ءباا، ساۋد ارابياسىن بريكس-تىڭ تولىق مۇشەسى بولۋعا شاقىردى. 

بۇگىن ءوتىپ جاتقان 15ء-سامميتتىڭ قورىتىندىسى بويىنشا بريكس-كە مۇشە ەلدەر (برازيليا، رەسەي، ءۇندىستان، جۇڭگو جانە وڭتۇستىك افريكا) يوحاننەسبۋرگ دەكلاراسياسىن قابىلدادى. سونداي-اق، 2024 جىلدان باستاپ جاڭا التى مەملەكەت ۇيىمعا مۇشە بولادى، دەپ حابارلايدى Almaty-akshamy.kz.

يوحاننەسبۋرگ دەكلاراسياسى ءارتۇرلى ماسەلەلەردى قامتيدى. ايتا كەتەرلىگى، 15ء-شى بريكس ءسامميتى پاندەميادان كەيىن العاش رەت وفلاين فورماتتا ءوتىپ وتىر.

"بريكس جاھاندىق قارجىلىق ارحيتەكتۋرانىڭ تۇراقتىلىعى مەن ونى ارتتىرۋدىڭ جاڭا مۇمكىندىكتەرىن قاراستىرۋعا دايىن. وسىعان بايلانىستى بريكس قاتىسۋشى مەملەكەتتەر وزدەرىنىڭ قارجى مينيسترلەرىنە ۇلتتىق ۆاليۋتامەن جۇمىس ىستەيتىن ءتۇرلى تولەم قارجى قۇرالدارى ماسەلەسىن قاراۋدى تاپسىردى. سامميتتە ادامدار اراسىنداعى بايلانىستىڭ ماڭىزى جانە ءوزارا تۇسىنىستىك، دوستىق پەن ىنتىماقتاستىقتىڭ ارتقانى راستالدى"، - دەدى وڭتۇستىك افريكا پرەزيدەنتى كيريلل راماپوزا.

سونداي-اق، ۇيىمعا قاتىسۋشى ەلدەر ارگەنتينا، مىسىر، يران، ەفيوپيا، ءباا، ساۋد ارابياسىن بريكس-تىڭ تولىق مۇشەسى بولۋعا شاقىردى. ولاردىڭ مۇشەلىگى 2024 جىلدان باستالادى.