«قارا التىن» باعاسى ءوسىپ كەلەدى.
مۇناي باعاسى قالىپتى تۇردە كوتەرىلىپ كەلەدى. اقش-تاعى جانارماي قورىنىڭ وسۋىنە جانە قۇلدىراۋ قاۋپىنە قاراماستان، ءبىر كۇن بۇرىن ءالسىز وسىمنەن كەيىن بەيسەنبى كۇنگى تاڭەرتەڭگى سەسسيادا مۇناي باعاسى قالىپتى تۇردە كوتەرىلدى، دەپ حابارلايدى Almaty-akshamy.kz Interfax.ru.
لوندوننىڭ ICE Futures بيرجاسىندا Brent ماركالى مۇنايدىڭ قىركۇيەكتەگى فيۋچەرستەرىنىڭ قۇنى بەيسەنبى كۇنى ماسكەۋ ۋاقىتىمەن 8:11-دەگى باررەلىنە $100،25 قۇرايدى، بۇل الدىڭعى سەسسيانىڭ جابىلۋ باعاسىنان $0،68 (0،68%) جوعارى. سارسەنبى كۇنگى ساۋدا-ساتتىق ناتيجەسىندە بۇل كەلىسىمشارتتار ءبىر باررەل ءۇشىن 8 سەنتكە قىمباتتاپ، $99،57 قۇرادى.
نيۋ-يورك تاۋار بيرجاسىنىڭ (NYMEX) ەلەكتروندى ساۋداسىندا تامىز ايىنداعى WTI مۇنايىنىڭ فيۋچەرستەرىنىڭ باعاسى وسى ۋاقىتقا دەيىن باررەلىنە $96،82 قۇرايدى، بۇل الدىڭعى سەسسيانىڭ قورىتىندى قۇنىنان $0،52 (0،54%) ارتىق. سارسەنبى كۇنى نارىقتىڭ جابىلۋىنا قاراي بۇل كەلىسىمشارتتاردىڭ قۇنى باررەلىنە 46 سەنتكە ءوسىپ، 96،3 دوللاردى قۇرادى.