زاڭسىز اۋلانعان بالىقتى تاركىلەگەن سوڭ قايدا جىبەرەدى؟ اتالعان ساۋالعا ەكولوگيا جانە تابيعي رەسۋرستار مينيسترلىگى بالىق شارۋاشىلىعى كوميتەتى ءتوراعاسىنىڭ ورىنباسارى ايان باحيانوۆ جاۋاپ بەردى، دەپ حابارلايدى Almaty-akshamy.kz قازاقپارات-قا سىلتەمە جاساپ.
«مەملەكەتتىك ينسپەكتورلار براكونەرلىك تاسىلمەن اۋلانعان بالىقتاردى تاركىلەيدى. ول بالىق سوت شەشىمىنە دەيىن ارنايى ۇيىمعا تاپسىرىلادى. براكونەرلىك بويىنشا قىلمىستىق ءىس قوزعالادى. ءىس اياقتالىپ، سوت شەشىمى شىققانعا دەيىن بالىق سول ۇيىمدا ساقتالادى. زاڭسىز اۋلانعان بالىق كولەمىن مەملەكەت كىرىسىنە تاركىلەۋ نە ونىڭ اينالىمى تۋرالى سوت شەشىمى شىققاننان كەيىن ودان ءارى ىسكە سوت ورىنداۋشىلارى كىرىسەدى. تاركىلەنگەن بالىق ساتىلادى نەمەسە جويىلادى»، - دەدى ايان باحيانوۆ ورتالىق كوممۋنيكاسيالار قىزمەتى الاڭىندا وتكەن باسپا ءسوز ءماسليحاتىندا.
مينيسترلىك وكىلىنىڭ ايتۋىنشا، بالىقتى ساتۋ جانە جويۋ سوت ورىنداۋشىلارىنىڭ قۇزىرىندا.