بۇل تۋرالى بوستاندىق اۋدانىنىڭ اكىمى سانجار الين مالىمدەدى.
بيىل مەملەكەتتىك ورگانداردى ورتالىقسىزداندىرۋ اياسىندا سىرتقى جارىقتاندىرۋ جەلىسى اۋداندىق اكىمدىكتەردىڭ باسقارۋىنا بەرىلدى، دەپ حابارلايدى Almaty-akshamy.kz
بوستاندىق اۋدانىندا ۇزىندىعى - 659،63 كم بولاتىن 23 388 جارىق نۇكتەسى، 16،2 مىڭ تىرەك، 210 دانا سىرتقى جارىقتاندىرۋدى باسقارۋ شكافى (سجبش) ورناتىلدى.
بۇگىندە سىرتقى جارىقتاندىرۋ جەلىسىنە قىزمەت كورسەتۋگە «الماتى قالا جارىق» مكك-مەن شارت جاسالدى. بۇل جەدەل بريگادالار كوشەنى جارىقتاندىرۋ ماسەلەسى بويىنشا ازاماتتاردىڭ ءوتىنىمىن بىردەن قولعا الادى دەگەن ءسوز.
48 ءىشىنارا جارىق تارتىلماعان كوشەگە جسق ازىرلەۋ جوسپارلانىپ وتىر، وعان ۇزىندىعى 19،7 كم بولاتىن 608 جارىق نۇكتەسى مەن 594 جارىقتاندىرۋ تىرەگىن ورناتۋ قاجەت.
ەستەرىڭىزگە سالا كەتەيىك، قازان ايىندا الماتىدا كوشەنى جارىقتاندىرۋ ماسەلەسىن جويۋ ءۇشىن تەحنيكالىق قىزمەتكەرلەردىڭ شتاتى ۇلعايتىلدى. الماتى اكىمى ەربولات دوسايەۆتىڭ تاپسىرماسىمەن جەرگىلىكتى ۋچاسكەلەردە جۇمىس ىستەۋ ءۇشىن 20 ادامنان تۇراتىن العاشقى بريگادا جاساقتالدى.