الماتى قالاسى بوستاندىق اۋدانىنىڭ ءبىرقاتار عيماراتتارىنا جىلۋ جانە ىستىق سۋ بەرۋ قايتا قالپىنا كەلتىرىلدى، دەپ حابارلايدى almaty-akshamy.kz
بوستاندىق اۋدانىنىڭ اۋماعىنداعى گاگارين — حودجانوۆ — كورولەنكو — روزىباقييەۆ كوشەلەرىنىڭ كونتۋرىندا ورنالاسقان تۇرعىن جانە وزگە دە عيماراتتارعا جىلۋ جانە ىستىق سۋ بەرۋ قايتا قالپىنا كەلتىرىلدى.
حودجانوۆ كوشەسىندە ورىن العان جارىلىس كەشە 18 قازاندا اۋىزدىقتالعان.
18-نەن 19 قازانعا قاراعان ءتۇنى جوعارىدا اتالعان كوشە كونتۋرىندا تۇراتىن تۇرعىندارعا تۇرعىن ۇيلەردە تەمپەراتۋرالىق رەجيمدى ساقتاۋ ءۇشىن جىلۋمەن جابدىقتاۋ قايتا قالپىنا كەلتىرىلدى. جۇمىس كەلەسى كۇنى ساعات 9.30-دان باستاپ قايتا قالپىنا كەلتىرۋ جۇمىستارى باستالىپ، ساعات 15.00-گە دەيىن تولىق اياقتالدى. جىلۋ تراسساسى ىسكە قوسىلدى جانە بەرىلگەن رەجيمدە جۇمىس ىستەپ تۇر. بۇل ديامەترى 800 مم قۇبىر 1976 جىلدان بەرى جۇمىس ىستەپ كەلەدى جانە ءوزىنىڭ پايدالانۋ نورماتيۆتىك مەرزىمى اياقتالدى.
ايتا كەتۋ كەرەك، ياعني جىل سايىن الماتىلىق جىلۋ جەلىلەرى وزدەرىنىڭ پايدالانۋ نورماتيۆتىك مەرزىمى – 25 جىلدان اسقان جىلۋمەن جابدىقتاۋ جەلىلەرىن اۋىستىرۋ بويىنشا قايتا قۇرىلىمداۋ جۇمىستارىن جۇرگىزەدى.
الماتى قالاسى بويىنشا جىلۋ جەلىلەرىنىڭ جالپى توزۋى 59،2 % قۇرايدى.
جۇرگىزىلىپ جاتقان جۇمىستار ينجەنەرلىك جەلىلەردىڭ توزۋ دەڭگەيىن تومەندەتۋگە، شىعىنداردى ازايتۋعا، اپاتتىلىقتى ازايتۋعا جانە قىس مەزگىلىندە سەنىمدى جىلۋمەن قامتاماسىز ەتۋگە مۇمكىندىك بەرەدى.
اعىمداعى جىلىتۋ ارالىق ماۋسىمدا «الجج» ج ش س شامامەن 9،1 كم جىلۋ جەلىلەرىن قايتا قۇرىلىمداۋ جۇرگىزدى، بۇل توزۋدى 0،6%-عا تومەندەتۋگە مۇمكىندىك بەرەدى.
ەستەرىڭىزگە سالا كەتەيىك، قانداي دا ءبىر شتاتتان تىس جاعداي تۋىنداعان جاعدايدا (سۋ، بۋ جانە ت.ب. شىعارىندىلار) تاۋەلسىز ارەكەت جاساماۋعا جانە كەلەسى نومىرلەرگە قوڭىراۋ شالۋ ارقىلى ورىن العان جاعداي تۋرالى حابارلاۋعا كەڭەس بەرەمىز:
+7 (727) 378-06-65 (تاۋلىك بويى)،
+7 (727) 341-07-77 (08:00-دەن 18:00-گە دەيىن) نەمەسە 109.
«الماتى جىلۋ جۇيەسى» ج ش س