بوستاندىق اۋدانىندا ينجەنەرلىك ينفراقۇرىلىمدى جاڭارتۋ جۇمىستارى قارقىندى ءجۇرىپ جاتىر. بۇل تۋرالى Aqshamnews.kz سايتى حابارلايدى.
اۋدان بويىنشا 8،9 كم سۋ قۇبىرى مەن كارىز جۇيەسى جاڭارتىلدى. سونداي-اق، بيىل «ەرمەنساي» سۋ قابىلداعىشىنىڭ قۇرىلىسى باستالماق. بۇل جوبا اۋىزسۋ ساپاسىن جاقسارتىپ، تۇرعىنداردى تۇراقتى سۋمەن قامتاماسىز ەتۋگە باعىتتالعان.
جىلۋ جۇيەسىن جاڭعىرتۋ اياسىندا 5،4 كم جىلۋ جەلىسى جوندەۋدەن ءوتتى. الداعى ۋاقىتتا بۇل جۇمىستار جالعاسىپ، 15 جاڭا جوبا جۇزەگە اسىرىلماق.
اتالعان ينفراقۇرىلىمدىق وزگەرىستەر اۋدان تۇرعىندارىنىڭ ءومىر ساپاسىن جاقسارتۋعا، سۋمەن جانە جىلۋمەن قامتۋ قىزمەتتەرىن تۇراقتاندىرۋعا مۇمكىندىك بەرەدى.