بۇل تۋرالى بوستاندىق اۋدانىنىڭ تۇرعىندارىمەن كەزدەسۋدە قالا اكىمى ەربولات دوسايەۆ مالىمدەدى.
مەكتەپ پەن بالاباقشاداعى ورىن تاپشىلىعىن ازايتۋ اكىمدىك ءۇشىن ماڭىزدى ماسەلە بولىپ قالا بەرەدى، دەپ حابارلايدى Almaty-akshamy.kz
وسىعان بايلانىستى 8600 ورىندىق 6 جاڭا مەكتەپ جانە 980 ورىندىق 4 بالاباقشا، سونىمەن قاتار، 400 ورىندىق 8 جەكەمەنشىك بالاباقشا سالۋ جوسپارلانعان.
«جايلى مەكتەپ» جوباسى بويىنشا 3 مەكتەپ سالۋ جوسپارلانعان. قىركۇيەك ايىندا قۇرىلىس باستالادى.
جاروكوۆ - ليەۆيتان كوشەلەرىنىڭ قيىلىسىندا 1200 ورىندىق جانە «اDK» ساۋدا ورتالىعى اۋدانىندا 900 ورىندىق ەكى مەكتەپ سالۋ ماسەلەسى قاراستىرىلىپ وتىر.
«رامس قازاقستان» ج ش س جىل سوڭىنا دەيىن 1100 ورىندىق مەكتەپتىڭ جانە 240 ورىندىق 2 بالاباقشانىڭ قۇرىلىسىن اياقتايدى.
بۇرىنعى №1 بالالار ءۇيىنىڭ عيماراتىن 440 ورىندىق بالاباقشا قىلىپ رەكونسترۋكسيالاۋ. قۇرىلىس بيىل شىلدەدە باستالادى.
«اكۆارەل» تۇك-دە 300 ورىندىق بالاباقشا پايدالانۋعا بەرىلدى. مامىر ايىندا اشىلۋ كوزدەلگەن، ءقازىر ونى جاراقتاندىرۋ جۇرگىزىلىپ جاتىر.