بيىل «حالىقتىق قاتىسۋ بيۋدجەتى» جوباسى اياسىندا 800 ملن. تەڭگەگە 21 جوبا ىسكە اسىرىلۋدا، دەپ حابارلايدى اlmaty-akshamy.kz.
بۇگىنگى كۇنى 11 وبەكتىنىڭ جۇمىستارى باستالدى، 10 جوبا بويىنشا شارت جاسالۋدا. بارلىق جوبالار 1 قاراشاعا دەيىن اياقتالادى.
سونداي-اق، جىل سوڭىنا دەيىن 80 اۋلاعا كۇردەلى جوندەۋ جۇرگىزىلەدى. تۇرعىنداردىڭ وتىنىشتەرى بويىنشا ۇلكەن الماتى وزەنىنىڭ جاعالاۋىنا جارىق جۇرگىزىلدى، وندا 165 تىرەك ورناتىلىپ، تورايعىروۆ كوشەسىنەن اباي داڭعىلىنا دەيىن 5،4 شاقىرىم جەلى تارتىلدى.
اۋدان بويىنشا سۋ باسۋدىڭ 6 ۋچاسكەسى انىقتالدى، ولار اعىمداعى جىلدىڭ سوڭىنا دەيىن جاسالاتىن بولادى. سونداي-اق، 2023 جىلدىڭ سوڭىنا دەيىن 60 شاقىرىم ارىق جەلىلەرى قايتا جاڭارتىلىپ جانە سالىنادى.