قازاقستان رەسپۋبليكاسى عىلىم جانە جوعارى ءبىلىم مينيسترلىگى جازعى قابىلداۋ ناۋقانىنىڭ قورىتىندىسى بويىنشا كونكۋرستىق تاعايىنداۋدان كەيىن قالعان بوس گرانتتاردى تاعايىنداۋ جۇمىستارىن اياقتادى.
بۇل تۋرالى ۆەدومستۆونىڭ رەسمي سايتىندا جاريالاندى، دەپ حابارلايدى Almaty-akshamy.kz.
رەسپۋبليكالىق كونكۋرس كوميسسياسىنىڭ وتىرىسى ءوتتى. گرانتتاردىڭ باسىم كوپشىلىگى پەداگوگيكالىق جانە ينجەنەرلىك عىلىمدار، سونىمەن قاتار «اقپاراتتىق-كوممۋنيكاسيالىق تەحنولوگيالار»، «جاراتىلىستانۋ عىلىمدارى، ماتەماتيكا جانە ستاتيستيكا» سالالارىنا ءبولىندى.
كوميسسيا شەشىمىمەن 4000-نان استام تالاپكەر مەملەكەتتىك ءبىلىم گرانتىنىڭ يەگەرى اتانادى.
گرانت يەگەرلەرىنىڭ تىزىمدەرى 2023 جىلدىڭ 28 قىركۇيەگىندە قازاقستان رەسپۋبليكاسى عىلىم جانە جوعارى ءبىلىم مينيسترلىگىنىڭ رەسمي سايتىندا جانە https://t.me/gylym_jogary_bilim تەلەگرام-كانالىندا جاريالانادى.
ال، گرانت سەرتيفيكاتتارىن https://certificate.testcenter.kz/ سىلتەمەسى بويىنشا قازاقستان رەسپۋبليكاسى ءبىلىم ءجانە عىلىم مينيسترلىگى ۇلتتىق تەستىلەۋ ورتالىعىنىڭ سايتىنان جۇكتەپ الۋعا بولادى.