بورىشكەرلەر بانكروتتىققا ءوتىنىش بەرە الادى

ءوتىنىش بەرۋ 3 ناۋرىزدا باستالادى.

ەندى قارىزى بار، ءبىراق ونى وتەي الماي جۇرگەن ازاماتتار بانكروتتىققا ءوتىنىش بەرە الادى دەپ حابارلايدى Almaty-akshamy.kz

پرەزيدەنت 2022 جىلعى 22 جەلتوقساندا ق ر «قازاقستان رەسپۋبليكاسى ازاماتتارىنىڭ تولەم قابىلەتتىلىگىن قالپىنا كەلتىرۋ جانە بانكروتتىعى تۋرالى» زاڭىنا قول قويدى. بۇل رەسمي جاريالانعاننان كەيىن 60 كۇن وتكەننەن سوڭ كۇشىنە ەنەدى.

قارجى نارىعىن رەتتەۋ جانە دامىتۋ اگەنتتىگىنىڭ حابارلاۋىنشا، بانكروتتىق تۋرالى زاڭ ءراسىمنىڭ ءۇش ءتۇرىن كوزدەيدى، ولار – سوتتان تىس بانكروتتىق، سوت ارقىلى بانكروتتىق جانە تولەم قابىلەتتىلىگىن قالپىنا كەلتىرۋ. اتالعان راسىمدەرگە تەك قارىز الۋشىنىڭ ءوزى ءوتىنىش بەرە الادى، ياعني كرەديتور بورىشكەردىڭ بانكروتتىعىنا ءوتىنىش بەرۋگە قۇقى جوق.

بەس جىل بويى قارىز جانە ميكروكرەديت الۋعا تىيىم سالىنادى (لومباردتاردىڭ ميكروكرەديتتەرىن الۋدى قوسپاعاندا )؛

قايتا بانكروتتىق بولۋ 7 جىل وتكەن سوڭ عانا مۇمكىن بولادى؛

بانكروت بولعان تۇلعانىڭ قارجىلىق جاعدايىنا بانكروتتىقتان كەيىن 3 جىل بويى مونيتورينگ جۇرگىزىلەتىن بولادى.

جەكە تۇلعانىڭ بانكروتتىعى ءتارتىبى تۋرالى تولىققاندى اقپارات ق ر قارجى مينيسترلىگىنىڭ جانە ق ر قارجى مينيسترلىگى مەملەكەتتىك كىرىستەر كوميتەتىنىڭ ينتەرنەت-رەسۋرستارىندا جاريالانادى.

قوسىمشا اقپارات الۋ ءۇشىن «ازاماتتارعا ارنالعان ۇكىمەت» بايلانىس ورتالىعىنا 1414 نومىرىنە (قوسىمشا ءنومىر 3) نە https://t.me/SalyqBot Telegram-چاتىنا حابارلاسۋعا بولادى.