2024 جىلعى 15 قاراشادا باتىس قازاقستان وبلىسى بايتەرەك اۋدانىنىڭ سوتى اليمەنت بويىنشا قاساقانا تولەمەي جۇرگەن بورىشكەردى قازاقستان رەسپۋبليكاسىنىڭ اكىمشىلىك قۇقىق بۇزۋشىلىقتار تۋرالى كودەكسىنىڭ 669-بابىنا سايكەس (سوت ۇكiمiن، سوت شەشiمiن نەمەسە وزگە دە سوت اكتiسiن جانە اتقارۋشىلىق قۇجاتتى ورىنداماۋ) كىنالى دەپ تانۋ جانە 5 كۇنگە قاماۋعا الۋ تۋرالى شەشىم شىعاردى، دەپ حابارلايدى aqshamnews.kz
بورىشكەر 2021 جىلدىڭ 29 ساۋىرىنەن باستاپ اليمەنت تولەمەگەن، سالدارىنان 1 178 558 تەڭگە كولەمىندەگى قارىزى جينالعان. جالپى، بيىلعى جىلى وبلىس پروكۋراتۋراسىنىڭ «اليمەنت بويىنشا 10 قادام» جوباسىن جۇزەگە اسىرۋ جانە قابىلدانعان شارالاردىڭ ناتيجەسىندە وبلىس بويىنشا اليمەنت بورىشى 2،4 ميللياردتان 1،4 ميلليارد تەڭگەگە دەيىن ازايعان.
487 ميلليون تەڭگە سوماسىنداعى اليمەنتتىكقارىزدار وتەلدى. ۋاكىلەتتى ورگاندار اراسىندا ءوزارا ءتيىستى ارەكەتتەسۋگە قول جەتكىزىلدى. 451 بورىشكەر جۇمىسپەن قامتىلدى، 598 بورىشكەر جۇمىسپەن قامتۋ ورگاندارىندا تىركەلدى. بورىشكەرلەردىڭ 5 جىلجىمايتىن مۇلىكتەگى ۇلەستەرى (3 پاتەر، جەر ۋچاسكەسى، تۇرعىن ۇيدەگى ۇلەستەرى) ساتىلدى، سونىمەن قاتار 75،5 ميلليون تەڭگە كولەمىندەگى قارىز ەسەبىنە ءوندىرىپ الۋشىلارعا بەرىلدى. بورىشكەرلەردى ءباس تىگۋشىلەر رەتىندە تىركەۋدىڭ 7 فاكتىسى انىقتالدى.
ولار بويىنشا اليمەنت تولەۋ مىندەتىنەن جالتارعانى ءۇشىن قازاقستان رەسپۋبليكاسى قىلمىستىق كودەكسىنىڭ 139-بابىنا سايكەس قىلمىستىق ىستەر تىركەلدى (بالالاردى اسىراۋ ءۇشىن قاراجات تولەۋ بويىنشا مىندەتتەمەلەردى ورىنداماۋ، مۇگەدەك اتا-انانى، مۇگەدەك جۇبايىن اسىراۋعا قاراجات تولەۋدەن جالتارۋ).
114،2 ميلليون تەڭگە كولەمىندە لومباردتاردا زەرگەرلىك بۇيىمداردى ساتۋمەن اينالىسقان 281 بورىشكەر انىقتالدى. 165 بورىشكەر اكىمشىلىك جاۋاپكەرشىلىككە تارتىلدى. قازاقستان رەسپۋبليكاسى قىلمىستىق كودەكسىنىڭ 139-بابىنا سايكەس 37 قاساقانابورىشكەرلەرگە قاتىستى 37 ماتەريال تىركەلگەن. ونىڭ ىشىندە 4 ءىس بويىنشا ۇكىم شىعارىلدى.
وسى باعىتتاعى جۇمىس جالعاسۋدا.