شەتەلدىك كومپانيا الدىمەن ساموكاتتاردان باستاپ، كەيىن تاكسي قىزمەتىنە اۋىسادى، دەپ حابارلايدى aqshamnews.kz
ەستونيالىق Bolt كومپانياسى قازاقستان حالقىنا تاكسي قىزمەتىن ۇسىنۋى مۇمكىن. بۇل تۋرالى كولىك ءمينيسترى نۇرلان ساۋرانبايەۆ مالىمدەدى.
ءمينيستردىڭ پىكىرىنشە، ەلىمىزدە تاكسي باعاسىن تومەندەتۋ ءۇشىن نارىققا باسقا دا كومپانيالاردى تارتۋ كەرەك. ءقازىر ۆەدومستۆو حالىققا تاڭداۋ بەرۋ ءۇشىن ءتيىستى كومپانيالارمەن كەلىسسوز جۇرگىزىپ جاتىر.
«ءبىزدىڭ ىشكى نارىققا Bolt كومپانياسى كىرىپ جاتىر. ولار ءقازىر ساموكاتتان باستاپ، سوسىن تاكسيگە اۋىسادى. ياندەكس پەن يندرايۆەر كومپانيالارى ءقازىر ءبىر بىرىمەن باسەكەلەس»، - دەدى ساۋرانبايەۆ ۇكىمەتتە وتكەن باسپا ءسوز ءماسليحاتىندا.
ونىڭ ايتۋىنشا، بۇگىندە وڭىرلەردە جەكەمەنشىك قازاقستاندىق كومپانيالار تاكسي قىزمەتىن كورسەتەدى. ءبىراق استانا، الماتى سياقتى ءىرى قالالاردا نەگىزىنەن ياندەكس پەن يندرايۆەر جۇمىس ىستەيدى.