اۆتوكولىكتىڭ ارتىندا 40-قا جۋىق ميگرانت زاڭسىز تاسىمالدانعان.
بولگاريادا جۇك كولىگىندە ءولى كۇيىندە تابىلعان 18 ميگرانت اۋا جەتپەي تۇنشىعىپ كوز جۇمعان، دەپ حابارلايدى اlmaty-akshamy.kz focus.ua اگەنتتىگىنە سىلتەمە جاساپ.
سوڭعى ايلاردا بالقان ەلى زاڭسىز يمميگرانتتار اعىنىنا تاپ بولعان.
«الدىن الا مالىمەتتەر بويىنشا، اۆتوكولىكتىڭ ارتىندا 40-قا جۋىق ميگرانت زاڭسىز تاسىمالدانعان. ولار اعاش سالىنعان كۋپەدە جاسىرىنعان. ميگرانتتار جول-كولىك وقيعاسىنان قايتىس بولماعان. اۋا جەتپەي، تۇنشىعىپ كوز جۇمعان. ءقازىر ءتىرى قالعان 34 ادام، ولار وزدەرىن اۋعاندىقتارمىز دەپ تانىستىرعان. ۇلتتىق تەرگەۋ قىزمەتى جاۋاپ الۋدا. ولاردىڭ كەيبىرىنە ءتيىستى مەديسينالىق مەكەمەلەردە مەديسينالىق كومەك كورسەتىلۋدە»، - دەدى ءىىم وكىلدەرى.
لوكورسكو اۋىلىنىڭ ماڭىندا، سوفيا استاناسىنان شامامەن 20 كم قاشىقتىقتا تۇرعان جۇك كولىگىن جەرگىلىكتى تۇرعىندار تاۋىپ، پوليسياعا حابارلاعان. ءتىرى قالعان جولاۋشىلار اۋرۋحاناعا جەتكىزىلگەن. كونترابانديستەر ىزدەستىرىلۋدە. قايعىلى وقيعا ورنىندا ۇلتتىق تەرگەۋ قىزمەتىنىڭ 10 تەرگەۋشىسى، پروكۋرورلار مەن ىشكى ىستەر مينيسترلىگىنىڭ قىزمەتكەرلەرى جۇمىس ىستەپ جاتىر.