الەمدەگى كوروناۆيرۋسقا قاتىستى جاڭالىقتار
COVID-19 تارالۋىنا جول بەرمەۋ جونىندەگى ۆاك الەمنىڭ كەي ەلدەرىندەگى كوروناۆيرۋسقا قاتىستى جاڭالىقتاردان حاباردار ەتتى، دەپ حابارلايدى Almaty-akshamy.kz.
دامىعان ەلدەردە ورتاشا ءومىر ءسۇرۋ ۇزاقتىعىنىڭ رەكوردتىق تومەندەۋ كورسەتكىشى تىركەلدى. اقش-تا، اسىرەسە، ەر ادامدار اراسىندا كوپ بايقالادى: 2019 جىلمەن سالىستىرعاندا 2،2-گە ازايدى. زەرتتەۋ اۆتورلارىنىڭ ايتۋىنشا، ءومىر ءسۇرۋ ۇزاقتىعىن ارتتىرۋداعى بارلىق جەتىستىكتەر 2020 جىلى جويىلۋعا شاق قالدى.
تايلاند بانگكوك پەن پروۆينسيالاردىڭ ۆاكسينالانعان ساياحاتشىلار ءۇشىن اشىلۋىن قاراشاعا اۋىستىردى. 16 ماۋسىمدا ەلدىڭ پرەمەر-مينيسترى ۆاكسينالانعان ساياحاتشىلارعا ەلگە كىرۋگە رۇقسات بەرۋدىڭ 120 كۇندىك مەرزىمىن بەلگىلەدى. پاتشالىقتىڭ اشىلۋىنا بىردەن-بىر سەبەپ بولىپ تابىلاتىن حالىقتى تولىق ۆاكسينالاۋعا ۋاقىتتىڭ وتە تىعىز ەكەندىگىن مالىمدەدى.
بولگاريا بيلىگى ۆاكسينانىڭ ءۇشىنشى دوزاسىن ۇدەتكىش (كومەكشى) رەتىندە سالۋعا رۇقسات بەردى. ۆاكسينالاۋ پۋنكتتەرىندە ۇسىنىلاتىن پرەپاراتتاردىڭ بىرەۋىنىڭ ەكى دوزاسىن العان ازاماتتاردىڭ جالپى سانى 1،3 ميلليوننان استى، بۇل حالىقتىڭ شامامەن 20% قۇرايدى. ەلدە قازان ايىنىڭ سوڭىنا دەيىن توتەنشە ەپيدەميولوگيالىق جاعداي رەجيمى ۇزارتىلدى.