"بولاشاق" حالىقارالىق ستيپەندياسى جانە "عىلىمي تاعىلىمدامالار" باعدارلاماسى يەگەرلەرىنىڭ ءتىزىمى جاريالاندى، دەپ حابارلايدى aqshamnews.kz
شەتەلدە كادرلار دايارلاۋ جونىندەگى رەسپۋبليكالىق كوميسسيانىڭ شەشىمىمەن بيىل 225 قازاقستاندىق "بولاشاق" حالىقارالىق ستيپەندياسىنىڭ يەگەرى اتاندى.
ولاردىڭ ىشىندە 152 ادام ماگيستراتۋرادا ءبىلىم الۋعا، 16 ۇمىتكەر دوكتورانتۋرا باعدارلامالارىنا جولداما الدى. ال 57 قازاقستاندىق الەمنىڭ جەتەكشى ۋنيۆەرسيتەتتەرى مەن ءعىلىمي-بىلىم بەرۋ ورتالىقتارىندا كاسىبي تاعىلىمدامادان وتەدى.
ستيپەندياتتاردىڭ 69،8%-ى جاراتىلىستانۋ-تەحنيكالىق باعىتتار بويىنشا، ال 30،2%-ى قوعامدىق-گۋمانيتارلىق بەيىن بويىنشا وقيدى.
سونىمەن قاتار، تاعى 182 قازاقستاندىققا الەمنىڭ جەتەكشى عىلىمي جانە زەرتتەۋ ورتالىقتارىندا عىلىمي تاعىلىمدامادان وتۋگە ستيپەنديا تاعايىندالدى. عىلىمي تاعىلىمدامالار — وتاندىق عىلىم مەن ءوندىرىستىڭ دامۋىنا سەرپىن بەرەتىن، زاماناۋي ءبىلىم مەن وزىق تاجىريبەنى ەلگە ترانسفەرتتەۋدىڭ ماڭىزدى تەتىگى.
گرانت يەگەرلەرىنىڭ ءتىزىمى "حالىقارالىق باعدارلامالار ورتالىعىنىڭ" رەسمي سايتىندا جاريالانعان.