ەندى بايقاۋعا شەتەلدىك ۋنيۆەرسيتەت نەمەسە ۇيىمنىڭ اكادەميالىق وقۋعا گرانتى بار تالاپكەرلەر دە قاتىسا الادى.
بيىلدان باستاپ «بولاشاق» باعدارلاماسىنىڭ ستيپەندياتتارى ءۇشىن مىندەتتى ەڭبەكپەن وتەۋ مەرزىمى ءبىر جىلعا قىسقارتىلدى، دەپ حابارلايدى Almaty-akshamy.kz حالىقارالىق باعدارلامالار ورتالىعى باسپا ءسوز قىزمەتىنە سىلتەمە جاساپ.
ول ءۇشىن ستيپەنديا يەگەرىندە شەتەلدىك جوعارى وقۋ ورنى، جۇمىس بەرۋشى نەمەسە ۇيىمنىڭ گرانتى بولۋى كەرەك.
«بيىل «بولاشاق» ستيپەندياسىنا ۇمىتكەرلەردى ىرىكتەۋ ەرەجەلەرى جەتىلدىرىلدى. ەندى بايقاۋعا شەتەلدىك ۋنيۆەرسيتەت نەمەسە ۇيىمنىڭ اكادەميالىق وقۋعا گرانتى بار تالاپكەرلەر دە قاتىسا الادى. مۇنداي ستيپەندياتتاردىڭ جۇمىس مەرزىمى قىسقارتىلادى. استانا، الماتى جانە شىمكەنت قالالارىندا بەس جىلدان ءتورت جىلعا دەيىن، ەلىمىزدىڭ باسقا وڭىرلەرىندە ءۇش جىلدان ەكى جىلعا دەيىن»، - دەدى «حالىقارالىق باعدارلامالار ورتالىعى» اق باسقارما ءتوراعاسى ءانۋار جانعوزين.
ول «بولاشاق» ستيپەندياتتىڭ تۇرۋىنا، تاماقتانۋىنا، مەديسينالىق ساقتاندىرۋعا، اۋە جولىنا، ۆيزالىق تولەمدەرىنە، وقۋ ماتەريالدارىن ساتىپ الۋعا كەتەتىن شىعىندارىن وتەيتىنىن اتاپ ءوتتى. بۇل قازاقستاندىقتاردىڭ مۇمكىندىكتەرىن ارتتىرادى، سونىمەن قاتار بيۋدجەت قاراجاتىن ايتارلىقتاي ۇنەمدەيدى.
«بولاشاق» باعدارلاماسى بويىنشا كونكۋرسقا قاتىسۋ ءۇشىن جەتەكشى شەتەلدىك جوو-دا وقۋ گرانتى بار ۇمىتكەرلەر اكادەميالىق وقۋعا تۇسكەنىن راستايتىن قۇجاتتاردىڭ كوشىرمەلەرىن تەگىن ۇسىنۋى قاجەت. گرانت اكادەميالىق وقۋدىڭ بارلىق كەزەڭىن قامتۋى كەرەك.