وتانداسىمىز ايبەك ورالباي وزبەكستاندىق ەتنيكالىق قازاقپەن كەزدەسەدى
سەربيا استاناسى بەلگراد قالاسىندا ءوتىپ جاتقان الەم چەمپيوناتىندا بۇگىن ءتورت بىردەي قازاقستاندىق بوكسشى شارشى الاڭعا شىعادى، دەپ حابارلايدى Almaty-akshamy.kz Egemen.kz-كە سىلتەمە جاساپ.
كۇندىزگى سەسسيادا ءبىرىنشى بولىپ ۇلتتىق قۇراماداعى تالانتتى بوكسشىلاردىڭ ءبىرى ماحمۇد سابىرحان رينگكە كوتەرىلەدى. 54 كيلو سالماقتا سىنعا ءتۇسىپ جاتقان ول شوتلانديالىق مەتتيۋ ماكحەيلمەن قولعاپ تۇيىستىرەدى. كۇندىزگى سەسسيا ساعات 17:00-دە باستالادى. «Qazsport» تەلەارناسى تىكەلەي ەفيردە كورسەتەدى.
كەشكى سەسسيادا 60 كيلو سالماقتاعى ءساماتالى تولتايەۆ كولۋمبيالىق دۋۆان سۋلەتو مورەنومەن جۇدىرىقتاسسا، 71 كيلو سالماقتاعى اسلانبەك شىمبەرگەنوۆ گەرمانيالىق ماگومەد شاحيدوۆتىڭ شاماسىن بايقاپ كورمەك. بوكس كەشىن 92 كيلو سالماقتاعى ايبەك ورالباي تۇيىندەيدى. ول وزبەكستان اتىنان سىنعا ءتۇسىپ جاتقان ەتنيكالىق قازاق ماديار سايدراحيموۆپەن قولعاپ تۇيىستىرەدى. بۇعان دەيىن ەكى قازاق بوكسشىسى وزبەك وعلاندارىن جارىس جولىنان ىعىستىرعان بولاتىن.