استانادا ءوتىپ جاتقان جاستار اراسىنداعى ازيا چەمپيوناتىنىڭ ءبىرىنشى كۇنىندە قازاق بوكسشىلارى ءساتتى ونەر كورسەتتى، دەپ حابارلايدى اlmaty-akshamy.kz Sports.kz-كە سىلتەمە جاساپ.
تۋرنير باسىندا قازاقستانننىڭ بەس بوكسشىسى جەكپە-جەك وتكىزىپ، بەسەۋى دە جەڭىسكە جەتتى. ءۇش بوكسشى قارسىلاسىن نوكاۋتقا ءتۇسىردى.
الەكسەي حاۆانسيەۆ (60 كەلى) ءبىرىنشى راۋندتا بۋتاندىق بوكسشى دەچەن دورجيدەن باسىم تۇسسە، احمەت ۇسەن (63،5 كەلى) تۇركىمەنستاندىق مەرگەن حودجاماممەدوۆپەن كەزدەسۋىن رەفەري ءۇشىنشى راۋندتا توقتاتتى. ال سانجار-الي بەگالييەۆ (75 كەلى) ۆەتنامدىق فام دانگ لۋدى جەڭدى. كەزدەسۋ ەكى راۋندقا سوزىلدى.
سونىمەن قاتار جارىستىڭ ءبىرىنشى كۇنى قازاقستان قۇراماسىنىڭ ساپىندا نۇراسىل تولەبەك (54 كەلى) وڭتۇستىككورەيالىق بوكسشى چجين چجۋ اندى ايقىن جەڭدى. ال جانسەرى كوشەربايەۆ (57 كەلى) تايۆاندىق چۋ پو چۋنيامەن وتكەن جەكپە-جەكتە جەڭىسكە جەتتى.