قازاقستان بوكس فەدەراسياسىنىڭ پرەزيدەنتى شاحمۇرات ءمۇتالىپتىڭ مالىمەتىنە سۇيەنسەك، 2024 جىلدىڭ العاشقى جارتى جىلدىعى قازاقستان بوكس فەدەراسياسى ءۇشىن جەمىستى ءارى جەڭىستى كەزەڭ بولدى، دەپ حابارلايدى اlmaty-akshamy.kz اتالعان فەدەراسيانىڭ رەسمي پاراقشاسىنا سىلتەمە جاساپ.
«وسى ارالىقتا ەلىمىزدە ازيا چەمپيوناتى جانە بىرنەشە حالىقارالىق تۋرنير ۇيىمداستىرىلدى، ەڭ باستىسى – پاريج وليمپياداسى جولدامالارى بويىنشا مەجە ورىندالدى. ەرلەر قۇراماسى بارلىق سالماق دارەجەلەرى بويىنشا ليسەنزيا يەلەنسە، ايەلدەر كومانداسى بۇرىن-سوڭدى بولماعان ناتيجەنى تىركەپ، ءۇش سالماق بويىنشا جولدامالار جەڭىپ الدى»، - دەدى بوكس فەدەراسياسىنىڭ باسشىسى.
سونداي-اق فەدەراسيا باسشىسى ءار جەڭىستىڭ ارتىندا بىرلەسكەن توپتىڭ جۇيەلى جۇمىسى تۇرعانىن اتاپ ءوتتى.
«سپورتشىنىڭ تۇراقتىلىعىنا جانە ەڭبەكقورلىعىنا باپكەردىڭ بىلىكتىلىگى مەن سەنىمىن، مامانداردىڭ ۇزدىكسىز جاردەمىن قوسسا عانا ماقساتقا جەتۋگە بولادى. پاريج وليمپياداسى – بارلىعىمىز ءۇشىن بەلگىلى ءبىر كەزەڭگە قورىتىندى جاسايتىن اسا ماڭىزدى جارىس. بىلعارى قولعاپ شەبەرلەرى حالىقتى ءتۇرلى دارەجەدەگى جۇلدەلەرمەن قۋانتادى دەگەن سەنىمدەمىن. قازاقستان بوكسى جاساسىن!»، - دەپ ويىن تۇيىندەدى شاحمۇرات ءمۇتالىپ.