بەلگىلى بوكسشى جانقوش تۇراروۆقا قاتىستى قىلمىستىق ءىس قوزعالدى.
وعان ادام زورلادى دەگەن ايىپ تاعىلىپ وتىر. 33 جاستاعى جانقوش تۇراروۆ قازاقستاننىڭ كاسىپقوي بوكسشىسى.
وسى جاعدايعا قاتىستى بوكسشىنىڭ ءوزى ينستاگرام پاراقشاسىندا وعان جالا جابىلىپ وتىرعانىن ايتتى.
"قايدان شىققان جالا ەكەنىن ءوزىم دە تۇسىنبەي وتىرمىن، ءقازىر ماسەلەنىڭ ءمان جايىن انىقتاپ، كىم قانداي جالا تاعىپ وتىرعانىن انىقتايتىن بولامىن"، - دەپ جازعان سپورتشى ينستاگرام الەۋمەتتىك جەلىسىنىڭ ستوريز بولىمىندە.
الماتىنىڭ پوليسيا دەپارتامەنتىنىڭ باسپا ءسوز قىزمەتى بولسا سپورتشىعا قاتىستى تاعىلعان ايىپتى راستادى.
"اۋەزوۆ اۋدانىنىڭ پب قىلمىستىق ءىس قوزعادى، سوت-مەديسينالىق ساراپتاما تاعايىندالدى".
تەرگەۋ شارالارى جۇرگىزىلەدى دەپ ناقتىلادى پوليسيادان.
ەستەرىڭىزگە سالا كەتەيىك، بۇعان دەيىن كاسىپقوي بوكسشى جاڭقوش تۇراروۆ (28-0، 28 كو) كەلەسى جەكپە-جەگىن 28 قىركۇيەك كۇنى الماتىدا وتكىزەتىنىن حابارلاعان بولاتىنبىز.