ءىس-شارا «الەم جانە COVID-19 پاندەمياسى: جاھاندىق دامۋ مەن ورتاق بولاشاق ءۇشىن ءوزارا ءىس-قيمىل» ۇرانىمەن وتەدى.
باف ۇيىمداستىرۋشىلارى فورۋمنىڭ كۇندىزگى جانە ونلاين فورماتتا وتەتىنىن حابارلادى. وعان ساياساتكەرلەر مەن ۇكىمەت مۇشەلەرى، حالىقارالىق ۇيىمداردىڭ باسشىلارى، بەدەلدى عالىمدار مەن ساياساتتانۋشىلار، سونداي-اق ءىرى حالىقارالىق كورپوراسيالاردىڭ وكىلدەرى قاتىسادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
پانەلدىك پىكىرتالاس بارىسىندا قاتىسۋشىلار ازيا مەن بۇكىل الەمدەگى پوستپاندەميالىق دامۋ ماسەلەسىن تالقىلايدى. ەستەرىڭىزگە سالا كەتەيىك، كوروناۆيرۋس پاندەمياسىنا بايلانىستى 2020 جىلى باف-تىڭ جىل سايىنعى جينالىسى توقتاتىلىپ، 2021 جىلى وتكەن بولاتىن.