اتىراۋدا جەرگىلىكتى بلوگەردى بوپسالاۋ مەن ۇرلىق جاساعانى ءۇشىن سوتتادى.
ول سۋپەرماركەتتە مەرزىمى وتكەن تاۋارلاردى بايقاپ، دۇكەن قىزمەتكەرىنە پوليسيا شاقىرامىن دەپ ەكى ميلليون تەڭگە تالاپ ەتىپ قورقىتقان، دەپ حابارلايدى aqshamnews.kz.
سودان پوليسيا شاقىرتقان. پوليسيا كەلگەننەن كەيىن بلوگەر مەرزىمى وتكەن ونىمدەر ساتىلعانى جانە تاۋارلاردا مەملەكەتتىك تىلدە اقپاراتتىڭ بولماۋى تۋرالى ارىز جازعان. ارتىنان دۇكەندەگىلەرگە ءوزىنىڭ ارىزىن قايتارىپ الاتىنىن ايتىپ، 39 824 تەڭگە تۇراتىن ونىمدەردى الىپ كەتكەن.
بىرنەشە كۇننەن كەيىن بلوگەر اتىراۋ قالاسىنىڭ №2 سوتىنا بارىپ، سوت پروسەسىنە قاتىسۋشى ارىپتەسىن قولداۋعا كەلگەن. وسى كەزدە ول پروكۋرورلار بولمەسىنە كىرىپ، پروكۋرورلاردىڭ ءبىرىنىڭ قالتاسىنان 20 مىڭ تەڭگە ۇرلاپ كەتكەن.
دەگەنمەن، ايىپتالۋشى كىناسىن مويىنداماي، ءوزىن اقتاۋدى سۇراعان.
سوت بلوگەردى ق ر قك 194-بابىنىڭ 2-بولىگىنىڭ 3-تارماعى مەن 188-بابىنىڭ 3-بولىگىنىڭ 3-تارماعى بويىنشا كىنالى دەپ تاپتى. ق ر قك 58-بابىنا سايكەس وعان 3 جىل 1 اي مەرزىمگە باس بوستاندىعىنان ايىرۋ جازاسى تاعايىندالدى.
سوت ۇكىمى ءالى زاڭدى كۇشىنە ەنگەن جوق.