شوتىڭىزدان اقشا جوعالۋى مۇمكىن.
ءبىرىڭعاي جيناقتاۋشى زەينەتاقى قورى قازاقستان ازاماتتارىنا ماڭىزدى ەسكەرتۋ جاسادى، دەپ حابارلايدى aqshamnews.kz
«سوڭعى ۋاقىتتا الاياقتار بجزق قىزمەتكەرلەرى اتىنان حابارلاسىپ، ازاماتتارعا ءتۇرلى جاڭالىقتارمەن قوڭىراۋ شالۋ جاعدايلارى جيىلەپ كەتتى. مىسالى، سالىمشىنىڭ شوتى بۇعاتتالعان جانە جارنالار تۇسپەيدى دەپ مالىمدەيدى. بۇل ماسەلەنى شەشۋ جانە ايىپپۇلداردى بولدىرماۋ ءۇشىن "بەتپە-بەت كەزدەسۋگە ونلاين تاپسىرىس بەرۋدى» ۇسىنادى،-دەيدى بجزق باسپا ءسوز قىزمەتى.
قوڭىراۋ كەزىندە الاياقتار جەلىدە كەزەككە تاپسىرىس بەرۋدى ۇسىنادى جانە 1414 نومىرىنەن جابىرلەنۋشىنىڭ تەلەفونىنا كود جىبەرگەنىن حابارلايدى. سودان كەيىن ولار برونداۋ پروسەسىن اياقتاۋ ءۇشىن وسى كودتى ايتۋدى سۇرايدى.
«جابىرلەنۋشى بۇل كودتى ايتقاننان كەيىن، ونىڭ بانك شوتتارىنداعى اقشاسى جوعالىپ كەتۋى مۇمكىن. بجزق قىزمەتكەرلەرى ازاماتتاردى شاقىرمايدى! سوندىقتان ءسىز قىراعى بولۋىڭىز كەرەك جانە بوگدە ادامدارعا ەشقانداي كود بەرمەڭىز! سونىمەن قاتار بەيتانىس سىلتەمەلەرگە وتپەڭىز!»، -دەپ ەسكەرتەدى باسپا ءسوز قىزمەتى.
ەشقاشان كودتار مەن قۇپيا سوزدەردى بىرەۋگە بەرمەڭىز.
اقپاراتتى رەسمي ارنالار ارقىلى تەكسەرىڭىز.
ەگەر بىرەۋ بجزق اتىنان مازالاسا، تەلەفوندى قويىپ، قورعا تىكەلەي حابارلاسىڭىز.