پارلامەنت سەناتىنىڭ دەپۋتاتى بيبىگۇل جەكسەنباي قازاقستاندا زيان ونىمدەردىڭ تارالۋىن شەكتەۋدى، سونداي-اق قۇرامىندا قانت مولشەرى جوعارى پايداسى جوق تاعامدار مەن ەنەرگەتيكالىق سۋسىندارعا قوسىمشا سالىق ەنگىزۋدى قاراستىرۋدى ۇسىندى، - دەپ حابارلايدى اlmaty-akshamy.kz.
سەناتور پرەمەر-مينيستر ءاليحان سمايىلوۆقا سوڭعى ۋاقىتتا قازاقستاندىق نارىقتا "شىعۋ تەگى بەلگىسىز قۇنارسىز تاعام" پايدا بولعانىن مالىمدەپ، ساۋال جولدادى. جەكسەنبايدىڭ ايتۋىنشا، ءارتۇرلى ەلدەردەن بىزگە ازىق-تۇلىك جانە پايدالىلىق كوەففيسيەنتى جوق تاۋارلار اكەلىنەدى. سونىمەن قاتار، زيان ونىمدەردىڭ كوپشىلىگى كوشەلەر مەن جەرتولەلەردە شىعارىلادى.
"ەلىمىزدىڭ زاڭناماسىنا سايكەس، ءاربىر ونىمدە قازاق جانە ورىس تىلدەرىندە ءوندىرۋشى، قۇرامى، پايدالانۋ شارتتارى تۋرالى اقپارات بولۋى كەرەك. الايدا، ەلىمىزدىڭ دۇكەندەرى مەن بازارلارىندا ساتىلاتىن ارزان زيان ونىمدەرگە قاتىستى بۇل تالاپتار ساقتالمايدى"، - دەدى بيبىگۇل جەكسەنباي.
"جاسىراتىنى جوق، بۇگىندە ادامدار، اسىرەسە بالالار، قانت، تۇز، ماي، حيميالىق قوسپالارى جوعارى تاعامدار جارناماسىن ەرىكسىز كورەدى. ارينە، بۇل جارناما قولدانىستاعى زاڭمەن رەتتەلەدى، ءبىراق دەنساۋلىققا زيان ونىمدەر تۋرالى اقپاراتتى تاراتۋدى شەكتەيتىن نورمالار جوق. ەلىمىزدە بالالارعا جارنامالاناتىن تاعامداردىڭ 72 پايىزى دۇنيەجۇزىلىك دەنساۋلىق ساقتاۋ ۇيىمى تىيىم سالعان تاعامدار. زيان تاعامنىڭ جارناماسىن تاراتۋ – اعزاعا قاساقانا زيان كەلتىرۋمەن بىردەي، سوندىقتان مۇمكىندىگىنشە، قاجەت جەردە شەكتەۋ، ءتىپتى تىيىم سالۋ قاجەت"، - دەدى سەناتور.
دەپۋتات پرەمەر-مينيستردەن قازاقستاندا زيان ونىمدەردىڭ ساۋداسىنا تىيىم سالۋدى، سونداي-اق كەدەندىك باقىلاۋدى كۇشەيتۋدى سۇرادى.
"سونداي-اق، مۇنداي ونىمدەردى ستاندارتتاۋ، سەرتيفيكاتتاۋ جونىندەگى قىزمەتتى قاتاڭ باقىلاۋعا الۋ قاجەت؛ اسىرەسە بالالارعا زيان تاعامداردىڭ مەرزىمىنە شەكتەۋ قويۋ كەرەك؛ پايدالى ەمەس تاعامدارعا جانە قۇرامىندا قانت مولشەرى جوعارى ءتۇرلى ەنەرگەتيكالىق سۋسىندارعا قوسىمشا سالىق سالۋ تۋرالى ماسەلەنى قاراستىرۋ قاجەت"، - دەلىنگەن جەكسەنباي سۇراۋىندا.
سەناتور قازاقستاندا قانداي ونىمگە شەكتەۋ قويۋ كەرەك ەكەنىن ناقتىلاعان جوق.