الماتىدا وتاندىق وندىرۋشىلەردى «جايلى مەكتەپ» ۇلتتىق جوباسىن ىسكە اسىرۋعا تارتاتىن بولادى، دەپ حابارلايدى Almaty-akshamy.kz
الماتى قالاسى اكىمىنىڭ ورىنباسارى ا.ە. ءابدىقادىروۆتىڭ توراعالىعىمەن وتكەن كەڭەيتىلگەن كەڭەس بارىسىندا «اتامەكەن» كاسىپكەرلەر پالاتاسىنىڭ، «Samruk-Kazyna Construction» اق وكىلدەرىنىڭ، الماتى قالاسى ءماسليحاتى دەپۋتاتتارىنىڭ، قۇرىلىس سالۋشى كومپانيالار مەن بيزنەس-قوعامداستىقتىڭ قاتىسۋىمەن «جايلى مەكتەپ» ۇلتتىق جوباسى تالقىلاندى، ونىڭ اياسىندا قالادا 37،1 مىڭ وقۋشى ورىندى 22 مەكتەپتىڭ قۇرىلىسى جوسپارلانۋدا. قاتىسۋشىلار بولاشاقتا سالىناتىن مەكتەپتەردى جيھازبەن جانە قۇرىلعىلارمەن جابدىقتاۋ، سالۋ جانە جاراقتاندىرۋ ماسەلەلەرىن تالقىلادى، ساپاسى جاعىنان الەمدىك بالامالاردان كەم تۇسپەيتىن قازاقستاندىق قۇرىلىس ماتەريالدارىن وندىرۋشىلەردىڭ ونىمدەرىمەن (قۇرعاق قۇرىلىس قوسپالارى، شاتىر، ارلەۋ جانە لاك-بوياۋ ماتەريالدارى، تەرەزەلەرگە ارنالعان مەتالل پروفيلدەر، ەسىكتەر، جيھاز جانە ت.ب.) تانىستى.
الماتى قالاسى اكىمىنىڭ ورىنباسارى الىشەر ءابدىقادىروۆ ءوزىنىڭ قۇتتىقتاۋ سوزىندە اتاپ وتكەندەي، وڭدەۋ ونەركاسىبى قالاداعى باسىم سالالاردىڭ ءبىرى بولىپ تابىلادى. اعىمداعى جىلدىڭ ءقاڭتار-ساۋىر ايلارى ارالىعىندا 657،6 ملرد.تەڭگەگە ونەركاسىپ ءونىمى ءوندىرىلدى، بۇل بىلتىرعى كەزەڭمەن سالىستىرعاندا 123،1%– دى قۇرايدى (ق ر بويىنشا-103،5%). ەڭ جوعارى ءوسىم كولەمى دايىن مەتالل بۇيىمدارى مەن ماشينا جاساۋ وندىرىسىندە.
«قازىرگى ۋاقىتتا جوبالاۋ-سمەتالىق قۇجاتتاما ازىرلەنۋدە، مەكتەپتەردىڭ قۇرىلىسى كۇزدە باستالادى. مەكتەپتەر سالۋ بويىنشا بەلگىلەنگەن تاسىلدەرگە سايكەس ولاردى جاراقتاندىرۋ نەگىزىنەن وتاندىق ءوندىرىستىڭ تاۋارلارىمەن جۇزەگە اسىرىلادى. اكىمدىك ءوز تاراپىنان وسى جوبانى ىسكە اسىرۋدا جەرگىلىكتى وندىرۋشىلەرگە بارىنشا قولداۋ كورسەتۋگە دايىن»، - دەدى الىشەر ءابدىقادىروۆ.
كەڭەس بارىسىندا ءماسليحات دەپۋتاتى يگور پروسەنكو جايلى مەكتەپتەر مەن باسقا دا الەۋمەتتىك ينفراقۇرىلىم نىساندارىن سالۋدىڭ ارقاسىندا وڭدەۋشى ونەركاسىپتى كەڭ اۋقىمعا دەيىن دامىتۋعا ناقتى مۇمكىندىك بار ەكەنىن ايتتى. «Samruk-Kazyna Construction» اق الماتى قالاسى بويىنشا جوبالار جەتەكشىسى الماز ۇندىگەنوۆ بۇگىندە قالاداعى سەگىز مەكتەپ بويىنشا قۇرىلىس سالۋشىلارمەن كەلىسىمدەر جاسالعانىن ايتتى.
ايتا كەتەرلىگى، سوڭعى ونجىلدىقتا الماتى قالاسى بويىنشا وقۋشىلار سانى جىل سايىن حالىقتىڭ تابيعي ءوسۋى مەن ىشكى كوشى-قون ەسەبىنەن ورتا ەسەپپەن 12-14 مىڭ بالاعا ارتۋدا. وسى كەزەڭدە ءبىرىنشى سىنىپ وقۋشىلارىنىڭ سانى تۇلەكتەر سانىنان ەكى ەسە كوپ بولدى. بۇل رەتتە قولدانىستاعى ينفراقۇرىلىم مەكتەپتەردەگى ءوسىپ كەلە جاتقان قاجەتتىلىكتەردەن ايتارلىقتاي كەيىن قالدى. جاڭا مەكتەپتەر زاماناۋي ستاندارتتاردى، قاجەتتى ينفراقۇرىلىمدى، جوعارى جىلدامدىقتاعى ينتەرنەتتى قامتاماسىز ەتە وتىرىپ، سالىناتىن بولادى.