شاريعاتىمىزدا وسىمگە (كرەديت) تىيىم سالىنعان.
ول ۇستەمە اقشامەن بەرۋ بولعاندىقتان، كەسىمدى تۇردە ارام بولادى. ونىڭ ارام ەكەنى اللانىڭ كىتابىندا، پايعامبارىمىزدىڭ (وعان اللانىڭ سالاۋاتى مەن سالەمى بولسىن) سۇننەتىندە دە باياندالعان ءارى بارلىق عالىمدار ءبىراۋىزدان ونىڭ ارام ەكەنىنە كەلىسكەن.
قۇراندا: «اللا تاعالا ساۋدا-ساتتىقتى ادال، ال ءوسىمدى ارام ەتتى»، – دەدى. جابيردەن (وعان اللا رازى بولسىن) جەتكەن حاديستە پايعامبارىمىز (وعان اللانىڭ سالاۋاتى مەن سالەمى بولسىن): «ءوسىم جەۋشىنى، جەگىزۋشىنى، كەلىسىمدى جازۋشىنى، وعان كۋاگەر بولعانداردى لاعىنەتتەدى جانە «ولاردىڭ ءبارى كۇنادا بىردەي دەدى»، – دەگەن. سوندىقتان مۇسىلمان ادام ەشقانداي زارۋلىك بولماسا پايىزعا جولاماۋى، بىلمەستىكپەن الىپ قويعان جاعدايدا اللاعا شىنايى تاۋبە ەتۋى كەرەك.
ريزىق – اللادان. ادام ءوزىنىڭ ريزىعىن ىزدەگەنىندەي، ريزىعى دا ءوز يەسىن ىزدەيدى. ول قاي جەردە بولماسىن، ونى اجالى ىزدەپ تاپقانىنداي، ريزىق ونى ىزدەپ تابادى. ءجابير يبن ابدۋللادان جەتكەن حاديستە پايعامبارىمىز (وعان اللانىڭ سالاۋاتى مەن سالەمى بولسىن) بىلاي دەدى: «ۋا، ادامدار! ريزىقتارىڭدى تالاپ ەتۋدە كوركەمدىك تانىتىڭدار. ويتكەنى ادام ونى تولىق الماي، بۇل دۇنيەدەن وتپەيدى. اللادان قورقىپ، ونى تالاپ ەتۋدە دۇرىس جول ىزدەڭدەر. ادال بولعانىن الىپ، ارام بولعانىن تاستاڭدار»، – دەدى.
قورىتا ايتقاندا، قۇراندا، حاديستە ايتىلعانداي، كرەديت الۋ كۇنالى ىسكە جاتادى. ادام دۇنيەگە كەلمەي جاتىپ اناسىنىڭ ىشىندە بولعاندا ونىڭ ريزىقنەسىبەسى جازىلادى. سوندىقتان تاعدىرىنا جازىلعان ريزىقتى ىزدەۋدە مۇسىلمان ادام شاريعاتقا ساي ادال جولدى ىزدەۋى كەرەك.
(«يمان» جۋرنالى، №7، 2024 جىل)