الماتى قالاسىنا پاۆلودار وبلىسىنان ارزان باعادا كارتوپ جەتكىزىلەدى.
قالا اكىمدىگى الەۋمەتتىك ماڭىزى بار ازىق-تۇلىك تاۋارلارىنىڭ باعاسىن ۇستاپ تۇرۋ ءۇشىن كەشەندى جۇمىستار جۇرگىزىپ جاتىر. ءوڭىرارالىق كووپەراسيا شەڭبەرىندە، پاۆلودار وبلىسىنا ساپار بارىسىندا كارتوپ جەتكىزۋ تۋرالى كەلىسىمدەرگە قول جەتكىزىلدى. قازىرگى ۋاقىتتا تاۋار وندىرۋشىلەرمەن الەۋمەتتىك ماڭىزى بار ءونىمنىڭ كولەمى مەن بەلگىلەنگەن باعاسى تۋرالى كەلىسسوزدەر جۇرگىزىلىپ جاتىر. وسى ورايدا الدىن الا بەلگىلى بولعان دەرەكتەرگە سۇيەنىپ ايتار بولساق، ساتىپ الۋ قۇنى 150 تگ/كگ بولاتىن 6 مىڭ توننادان استام كارتوپ جەتكىزۋ كوزدەلىپ وتىر. كارتوپ جەڭىلدەتىلگەن باعامەن «Small» جانە «تويمارت» ساۋدا جەلىلەرىندە، سونداي-اق قالانىڭ الەۋمەتتىك دۇكەندەرىندە ساتىلماق. بۇعان دەيىن الماتى جانە جامبىل وبلىستارىنان 1،5 مىڭ توننا پياز جەتكىزىلگەن بولاتىن. ونىڭ سورەدەگى باعاسى 69-74 تگ/كگ قۇرايدى.
بيىلعى 1 قىركۇيەكتەن باستاپ 2،5 ملرد. تەڭگەگە «فورۆاردتىق» ساتىپ الۋ شەڭبەرىندە «ماگنۋم» ساۋدا جەلىسىندە 22 مىڭ توننا ءونىمدى (كارتوپ – 10 مىڭ توننا، ءسابىز – 4،2 مىڭ توننا، پياز – 4،7 مىڭ توننا، قىرىققابات – 3 مىڭ توننا) ساتۋ كوزدەلىپ وتىر . ساتۋ تومەندەتىلگەن باعامەن جۇزەگە اسىرىلادى (9 اي ىشىندە، بيىلعى قىركۇيەكتەن 2022 جىلدىڭ مامىرىنا دەيىن). مىسالى، قازىرگى ۋاقىتتا سورەلەردەگى باعالار: كارتوپ – 102 تەڭگە، ءسابىز – 114 تەڭگە، پياز – 92 تەڭگە، قىرىققابات – 91 تەڭگە، بۇل ورتاشا نارىقتىق باعادان 5-35%-عا تومەن.
الەۋمەتتىك ماڭىزى بار ازىق-تۇلىك تاۋارلار باعاسىن تۇراقتاندىرۋدىڭ ءتيىمدى شارالارىنىڭ ءبىرى – كاسىپكەرلىك سۋبەكتىلەرىنە قالانىڭ ساۋدا جەلىلەرىنىڭ سورەلەرىندە باعانى بەلگىلەۋ ءۇشىن جەڭىلدەتىلگەن قارىزدار بەرۋ، سونداي-اق وندىرۋشىلەردىڭ ساتۋ باعالارىن تىركەۋ. وسىلايشا، «Magnum Cash&Carry» ساۋدا جەلىسىنە جەڭىلدەتىلگەن قارىز بەرۋ ەسەبىنەن نارىققا اسەر ەتۋ ۇلەسى 40% كەلىسىمشارت جاسالدى. وسىلايشا، اتالعان ساۋدا جەلىسىنىڭ 54 فيليالىندا الەۋمەتتىك ماڭىزى بار ازىق-تۇلىك تاۋارلارىنىڭ 12 ءتۇرى (1ء-شى سۇرىپتى ۇن، قاراقۇمىق، كۇرىش، ماكارون، كۇنباعىس جانە سارى ماي، تاۋىق ەتى، سيىر ەتى، ءسۇت، ايران، سۇزبە، قانت) 2021 جىلدىڭ سوڭىنا دەيىن تىركەلگەن، تومەندەتىلگەن باعامەن ساتىلادى. الماتىداعى «تويمارت» ساۋدا جەلىسى بولسا 10 ءتۇرىن 6 اي ىشىندە (بيىلعى 1 قاراشادان باستاپ كەلەسى جىلعى 30 ساۋىرگە دەيىن) تومەندەتىلگەن بولشەك باعامەن ساتادى.
بۇگىنگى تاڭدا وسىعان ۇقساس بەرىلگەن «اينالىمداعى» قارىزدار تاماق ونىمدەرىن وندىرۋشىلەردەن ساتۋ باعالارىن بەكىتۋگە مۇمكىندىك بەرەدى. مىسالى، 2021 جىلعى جەلتوقسانعا دەيىن قارىز ەسەبىنەن بەرىلگەن «اقساي» نان-توقاش كومبيناتى» جشس-دا ناننىڭ ساتىلۋ باعاسى 75 تگ دەڭگەيىندە تىركەلەدى. «اقساينان» زاۋىتىنىڭ ناندارىمەن بارلىق ساۋدا جەلىلەرى، 3 مىڭنان استام ءۇي جانىنداعى دۇكەندەر جانە ازىق-تۇلىك بازارلارى (ديستريبيۋتورلار ارقىلى) قامتىلعان. بۇل حالىقتى ءبىرىڭعاي باعامەن جانە الەۋمەتتىك نانمەن قامتاماسىز ەتۋگە مۇمكىندىك بەرەدى. ايتا كەتۋ كەرەك، بۇل قازاقستان بويىنشا تىركەلگەن ەڭ تومەن نان باعاسى.
وسى باعدارلاما اياسىندا «Asyl Meat» ج ش س 2022 جىلعى 1 ماۋسىمعا دەيىن 2050 تگ/كگ بولىپ بەلگىلەنگەن باعا بويىنشا 6 فيرمالىق دۇكەندە 90،4 توننا سيىر ەتىن (ءجاۋىرىن-توس بولىگى) ساتادى، بۇل ورتاشا باعادان 364 تەڭگەگە تومەن.
2024 جىلدىڭ اقپان ايىنا دەيىن قالانىڭ ساۋدا وبەكتىلەرىنە 1ء-شى ساناتتاعى 49،6 ملن. دانا جۇمىرتقا (بەكىتىلگەن ساتىلۋ باعاسى – 400 تگ/10 دانا) جەتكىزۋگە «الساد قازاقستان» جشس-نە قارىز بەرىلدى. قازىرگى ۋاقىتتا «ماگنۋم» ساۋدا جەلىسىنىڭ بارلىق 54 دۇكەنىنە جانە «Small» جەلىسىنىڭ 19 دۇكەنىنە جەتكىزۋ جۇمىستارى جۇرگىزىلىپ جاتىر. سورەدەگى بەكىتىلگەن باعا 440 تگ/10 دانا، بۇل ورتاشا ستاتيستيكالىق كورسەتكىشتەن 15%-عا تومەن.
بۇگىندە الەۋمەتتىك ماڭىزى بار ازىق-تۇلىك تاۋارلارىن قالانىڭ بارلىق ءىرى ساۋدا جەلىلەرىنە جەتكىزۋ جولدارى تالقىلانىپ جاتىر.