بيىلعى قىس جىلى بولادى

قاراشادا جىلى جانە ايازدى كۇندەر اۋىسىپ وتىرادى.

سينوپتيكتەر بيىل قىس جىلى بولادى دەپ بولجادى، دەپ حابارلايدى Almaty-akshamy.kz

"قازگيدرومەت" رمك باسپا ءسوز قىزمەتى Zakon.kz سايتىنا الداعى قىسقا ارنالعان كۇن رايى بولجامىن ۇسىندى.

سينوپتيكتەردىڭ بولجاۋىنشا، قاراشادا جىلى جانە ايازدى كۇندەر الما-كەزەك اۋىسىپ وتىرادى، اي بويى جاۋىن-شاشىن (جاڭبىر، قار) جاۋىپ، ەكپىندى جەل سوعادى.

"سولتۇستىك وبلىستاردا كەي كۇندەرى جاياۋ بۇرقاسىن سوعۋى مۇمكىن، قازاقستان رەسپۋبليكاسىنىڭ اۋماعىندا كوكتايعاق بولادى، تۇمان تۇسەدى دەپ بولجانىپ وتىر. ايدىڭ ەكىنشى جارتىسىندا رەسپۋبليكانىڭ سولتۇستىك جارتىسىندا، شىعىسىندا جانە ورتالىعىندا اياز بولادى"، - دەلىنگەن كۇن رايى بولجامىندا.

سينوپتيكتەر بيىل قىس 2001-2002 جىلعىداي بولادى دەپ بولجاپ وتىر، ياعني كۇن جىلى ءارى جاۋىن-شاشىن نورماعا جاقىن نە ودان جوعارى بولادى.

"الداعى قىستا قازاقستان اۋماعىندا تەمپەراتۋرالىق فون كليماتتىق نورمادان 1-2 گرادۋسقا جوعارى بولادى دەپ كۇتىلىپ وتىر، تەك جەلتوقسان ايىندا قازاقستاننىڭ باسىم بولىگىندە اۋا تەمپەراتۋراسى كليماتتىق نورما شەگىندە بولادى دەپ بولجاندى، ال قازاقستان رەسپۋبليكاسىنىڭ سولتۇستىگى مەن شىعىسىندا نورمادان 1 گرادۋسقا تومەن بولادى"، دەلىنگەن "قازگيدرومەت" رمك باسپا ءسوز قىزمەتى تاراتقان اقپاراتتا.

سونداي-اق قاڭتار-اقپان ايلارىندا ەلىمىزدىڭ باسىم بولىگىندە جاۋىن-شاشىن رەسپۋبليكانىڭ باسىم بولىگىندە نورماعا جاقىن، ال سولتۇستىك جارتىسىندا نورمادان تومەن بولادى دەپ بولجاندى.

ال ناۋرىزدا قازاقستاندا اۋانىڭ ورتاشا ايلىق تەمپەراتۋراسى نورمادان 2 گرادۋسقا جوعارى بولادى، جاۋىن-شاشىن مولشەرى دە ەلىمىزدىڭ باسىم بولىگىندە نورمادان جوعارى بولادى دەپ بولجانعان.