قۇرىلىس، اقپارات جانە بايلانىس، كولىك جانە قويمالاۋدا، سونداي-اق وڭدەۋ ونەركاسىبىندە وڭ ديناميكا بايقالدى.
جىل باسىنان بەرى قازاقستان ەكونوميكاسىنىڭ ءوسىمى 4،2%-دى قۇرادى، دەپ حابارلايدى Almaty-akshamy.kz ۇكىمەتتىڭ رەسمي كانالىنا سىلتەمە جاساپ.
ولجاس بەكتەنوۆتىڭ توراعالىعىمەن وتكەن ۇكىمەت وتىرىسىندا پرەمەر-مينيستردىڭ ورىنباسارى – ۇلتتىق ەكونوميكا ءمينيسترى نۇرلان بايبازاروۆ بيىلعى جىلدىڭ قاڭتار-اقپان ايلارىنداعى جالپى ىشكى ءونىمنىڭ ءوسۋ قارقىنى تۋرالى باياندادى.
بيىل ەكى ايدا ەكونوميكانىڭ ناقتى سەكتورىندا ءوسىم 5،1%-دى، قىزمەت كورسەتۋ سالاسىندا – 3،5%-دى قۇرادى.
سالالار اراسىندا قۇرىلىس، اقپارات جانە بايلانىس، كولىك جانە قويمالاۋدا، سونداي-اق وڭدەۋ ونەركاسىبىندە وڭ ديناميكا بايقالدى.
وڭدەۋ سالالارىندا ءوندىرىستىڭ ءوسۋى ماشينا جاساۋدا 23%-عا، ونىڭ ىشىندە اۆتوموبيل ونەركاسىبىندە 21%-عا جانە ەلەكتر جابدىقتارىن وندىرۋدە 45%-عا قامتاماسىز ەتىلگەن.
«نەگىزگى كاپيتالعا تارتىلعان ينۆەستيسيالاردىڭ ءوسۋ قارقىنى 7،9%-دى قۇرادى. ينۆەستيسيالار كولەمى قۇرىلىستا – 2،7 ەسەگە، ءبىلىم بەرۋدە – 56%-عا، كولىك جانە قويمالاۋدا – 47%-عا ءوستى. وڭىرلەر بويىنشا ەڭ جوعارى ينۆەستيسيالىق كورسەتكىشتەر قىزىلوردا، تۇركىستان، جەتىسۋ وبلىستارىندا، سونداي-اق استانادا بايقالدى»، دەدى ن.بايبازاروۆ.
ۆيسە-پرەمەر ەكونوميكالىق ءوسۋدى ودان ءارى قامتاماسىز ەتۋ ءۇشىن باسا نازار اۋدارۋ قاجەت ءبىرقاتار شارالاردى دا اتاپ ءوتتى. ولاردىڭ قاتارىندا جەكە ينۆەستيسيا تارتۋ، جۇمىس ىستەپ تۇرعان ءوندىرىس ورىندارىن كەڭەيتۋ، جاڭادان ىسكە قوسۋ جانە ت.ب. بار.