تۇلەكتەردىڭ 24% ورىس تىلىندە، 213 بالا اعىلشىن تىلىندە بىلىمدەرىن سىنادى.
بيىلعى ۇبت قورىتىندىسى بويىنشا تالاپكەرلەردىڭ 76 پايىزى قازاق تىلىندە تەست تاپسىرعان،دەپ حابارلايدى Almaty-akshamy.kz قازاقپاراتقا سىلتەمە جاساپ.
بۇل تۋرالى عىلىم جانە جوعارى ءبىلىىم مينيسترلىگى جوعارى جانە جوعارى وقۋ ورنىنان كەيىنگى ءبىلىم دەپارتامەنتىنىڭ ديرەكتورى گۇلجان جاراسوۆا ورتالىق كوممۋنيكاسيالار قىزمەتىندە وتكەن بريفينگتە ايتتى.
«5 شىلدە كۇنى نەگىزگى ۇلتتىق ءبىرىڭعاي تەستىلەۋ اياقتالدى. ۇبت بيىل دا 43 تەستىلەۋ ورتالىعىندا «1 كومپيۋتەر-2 كامەرا-1 تالاپكەر» قاعيداتى بويىنشا ەلەكتروندى فورماتتا ءوتتى. بيىل دا ۇبت تاپسىرۋعا ەكى رەت مۇمكىندىك بەرىلدى. ەكى مۇمكىندىكتە دە تالاپكەرلەر ءبىر بەيىندىك پاندەر كومبيناسياسىن تاڭدادى»، - دەدى ۆەدومستۆو وكىلى.
ايتۋىنشا، جالپى نەگىزگى ۇلتتىق ءبىرىڭعاي تەستىلەۋگە قاتىسۋ ءۇشىن 290 مىڭنان استام ءوتىنىش تۇسكەن. ونىڭ ىشىندە 160 مىڭى ءبىرىنشى مۇمكىندىكتى پايدالانۋعا، 130 مىڭى ەكىنشى مۇمكىندىكتى پايدالانۋعا ارنالعان.
«ۇبت قورىتىندىسى بويىنشا 154 مىڭ تالاپكەر ەكى مۇمكىندىكتى دە ەسەپتەگەندە 276 مىڭ رەت تەست تاپسىردى. تەستى تاپسىرۋ تىلىنە كەلسەك، تۇلەكتەردىڭ 76 پايىزعا جۋىعى قازاق تىلىندە، 24 پايىزى ورىس تىلىندە، 213 بالا اعىلشىن تىلىندە بىلىمدەرىن سىنادى. تەستىلەۋ 5 ءپان بويىنشا جۇرگىزىلدى. جالپى سۇراقتاردىڭ سانى – 120. تەستىلەۋ ۇزاقتىعى 4 ساعات نەمەسە 240 ميۋنتقا سوزىلدى»، - دەدى گۇلجان جاراسوۆا.
ەسكە سالساق، بۇعان دەيىن ۇبت-عا شپارگالكا، تەلەفون الىپ كىرگەن وقۋشىلار تەست تاپسىرۋ مۇمكىندىگىنەن ايىرىلعانىن حابارلانعانبىز.