اكىمدىك تۇركسىب اۋدانىنىڭ الەۋمەتتىك ينفراقۇرىلىمىن دامىتۋعا ەرەكشە نازار اۋدارادى.
اۋدانداعى وقۋشى ورىندارىنىڭ تاپشىلىعى قالاداعى ەڭ تومەنگى كورسەتكىشتەردىڭ ءبىرى، دەپ حابارلايدى Almaty-akshamy.kz
1748 ورىن تاپشى، بۇل - المالى اۋدانىنان كەيىنگى ەڭ تومەنگى كورسەتكىش
«اۋداندا قۇرىلىس قارقىندى ءجۇرىپ جاتقاندىقتان، ءبىز جاڭا مەكتەپتەر سالىپ، بار مەكتەپتەردى مۇمكىندىگىنشە كەڭەيتۋگە نيەتتىمىز. وتكەن جىلى «قايرات» شاعىناۋدانىندا 1 500 ورىندىق №211 مەملەكەتتىك مەكتەپ-گيمنازيا سالىنىپ ءبىتتى. ول ءوز جۇمىسىن قىركۇيەك ايىندا جاڭا وقۋ جىلىنان باستايدى»، - دەدى قالا اكىمى ەربولات دوسايەۆ.
«جايلى مەكتەپ» ۇلتتىق جوباسىن ىسكە اسىرۋ شەڭبەرىندە وسى جىلدىڭ II جارتىجىلدىعىندا تۇركسىب اۋدانىندا 6 400 ورىندىق 4 مەكتەپتىڭ قۇرىلىسى باستالادى. جۇمىستار كەلەسى جىلى IV توقساندا اياقتالادى. سونداي-اق 1050 ورىندىق 2 مەكتەپكە قوسىمشا عيمارات سالۋ (450 ورىندىق №195 ورتا مەكتەپ، اياقتالۋى – 2023 ج. قىركۇيەك، 600 ورىندىق №198 ورتا مەكتەپ، اياقتالۋى – 2023 ج. قىركۇيەك)، №83 گيمنازيا فيليالىن رەكونسترۋكسيالاۋ (باستالۋى – 2023 ج. اقپان، اياقتالۋى –2023 ج. قازان) جانە № 50 ورتا مەكتەپ عيماراتىن سەيسميكالىق كۇشەيتۋ جوبالانۋدا (باستالۋى – 2023 ج. اقپان، اياقتالۋى – 2023 ج. جەلتوقسان).
قازىرگى ۋاقىتتا №70 ارنايى بالاباقشا عيماراتىن سەيسميكالىق كۇشەيتۋ جۇمىستارى اياقتالۋدا، اشىلۋى II توقسانعا جوسپارلانعان. وسى جىلدىڭ سوڭىنا دەيىن «قايرات» شاعىاۋدانىنداعى 260 ورىندىق مەملەكەتتىك بالاباقشانىڭ قۇرىلىسى اياقتالادى.