2023 جىل دا ەڭ ىستىق جىل بولعان.
دەگەنمەن، 2024 جىل بارلىق رەكوردتاردى بۇزۋى مۇمكىن، دەپ حابارلايدى Almaty-akshamy.kz
عالىمدار 2024 جىلى رەكوردتىق اپتاپ ىستىق بولاتىنىن ەسكەرتتى. ولاردىڭ ايتۋىنشا، 2023 جىل تاريحتاعى ەڭ ىستىق جىل بولدى، ءبىراق 2024 جىل بارلىق رەكوردتاردى بۇزۋى مۇمكىن.
"تەمپەراتۋرانىڭ جوعارىلاۋى ەل-نينو قۇبىلىسىمەن بايلانىستى بولادى. بۇل ەكۆاتورلىق تىنىق مۇحيتىنداعى سۋدىڭ بەتكى قاباتىنىڭ تەمپەراتۋراسىنىڭ اۋىتقۋىمەن بايلانىستى جىلىنۋ"، - دەيدى ماماندار.
ربك باسىلىمىندا اتاپ وتىلگەندەي، 2023 جىلى ەل-نينو زارداپتارىنىڭ ءبىرى ورتالىق امەريكاداعى قۇرعاق اۋا رايى بولدى، بۇل پاناما كانالىن، گاتۋندى قورەكتەندىرەتىن نەگىزگى كولدىڭ قۇرعاۋىنا اكەلدى.
سونىڭ سالدارىنان ارناداعى سۋدىڭ دەڭگەيى تومەندەپ، وتكىزۋ قابىلەتى ايتارلىقتاي تومەندەدى.
دۇنيەجۇزىلىك مەتەورولوگيالىق ۇيىمدى باسقاراتىن مەتەورولوگ پەتتەري تاالاس 2024 جىل بۇرىنعىدان دا "جىلىراق" بولاتىنىن اتاپ ءوتتى. بۇعان قوسا، ول قۇرعاقشىلىق نەمەسە سۋ تاسقىنى سياقتى توتەنشە وقيعالاردىڭ كوبەيەتىنىن قوسادى.
بۇعان دەيىن 2023 جىل سوڭعى سەگىز ونجىلدىقتاعى ەڭ ىستىق جىل دەپ تانىلعانى حابارلانعان بولاتىن.
دۇنيە جۇزىندەگى تەمپەراتۋرانىڭ بۇل كوتەرىلۋى پلانەتانى عالىمدار بىرنەشە جىلدار بويى ەسكەرتىپ كەلە جاتقان قايتىمسىز كليماتتىق وزگەرىستەرگە ءقاۋىپتى تۇردە جاقىنداتادى. ودان ءارى جىلىنۋ داۋىل، قۇرعاقشىلىق، سۋ تاسقىنى جانە ورمان ورتتەرى سياقتى ەكسترەمالدى اۋا رايى وقيعالارىنا اكەلەدى.