جازدا جاۋىن-شاشىن از تۇسەدى دەيدى سينوپتيكتەر.
«قازگيدرومەتتىڭ» بولجامى بويىنشا، جازدا ورتاشا تەمپەراتۋرا 30 گرادۋس بولادى، دەپ حابارلايدى almaty-akshamy.kz».
رەسپۋبليكانىڭ وڭتۇستىك، شىعىس جانە باتىس اۋماعىن قۇرعاقشىلىق قىسىپ، تەمپەراتۋرا 40 گرادۋسقا دەيىن جەتۋى ىقتيمال. ال جاۋىن-شاشىن از تۇسەدى دەيدى سينوپتيكتەر.
مۇنىڭ ءبارى ورمان قورىنداعى ءورت ءقاۋپىن ەداۋىر ارتتىرادى. جالپى، جىل سايىن ورمان مەن دالادا سەگىز جۇزگە جۋىق ءورت تىركەلەدى.
– تابيعي ورتتەردىڭ تۋىنداۋ ءقاۋپىن تومەندەتۋ ماقساتىندا ازاماتتاردان ءورت قاۋىپسىزدىگى تالاپتارىن ساقتاۋدى سۇرايمىز. جانىپ تۇرعان سىرىڭكە مەن تەمەكى تۇقىلىن تاستاۋعا جول بەرمەۋ، ورمان جانە دالا القاپتارىندا وت جاعۋعا جول بەرمەۋ، تابيعاتتا بولعاننان كەيىن، شىنى ىدىستاردى وزىڭىزبەن بىرگە الىپ ءجۇرۋ كەرەك، ويتكەنى كۇن ساۋلەسى اينەكتەن ءوتىپ، قۇرعاق ءشوپتى شوعىرلاندىرىپ، ورتەپ جىبەرۋى مۇمكىن، - دەيدى ق ر تجم ورتكە قارسى قىزمەت كوميتەتىنىڭ ءتوراعاسى نۇربولات دەربىسوۆ.