وسى ارقىلى 2،8 مىڭ جۇمىس ورنى اشىلادى.
بيىل مال شارۋاشىلىعىندا جالپى سوماسى 100 ملرد تەڭگەدەن اساتىن 62 جوبا ىسكە اسادى. بۇل تۋرالى بۇگىن ۇكىمەت وتىرىسىندا ق ر اۋىل شارۋاشىلىعى ءمينيسترى ەربول قاراشوكەيەۆ ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«وتكەن جىلدىڭ وزىندە عانا مال شارۋاشىلىعىندا جالپى سوماسى 70 ملرد تەڭگەگە جۋىقتايتىن 53 ينۆەستيسيالىق جوبا ىسكە اسىرىلدى. مىسالى، ءسۇتتى مال شارۋاشىلىعىنداعى يمپورتتى الماستىرۋ مىندەتىنە سايكەس 2021 جىلى قۋاتى 57 مىڭ توننا بولاتىن 35 ءتاۋارلى-سۇت فەرماسى ىسكە قوسىلدى»، - دەدى مينيستر.
ونىڭ دەرەگىنشە، 2021 جىلى پايدالانۋعا بەرىلگەن 35 ءتاۋارلى-سۇت فەرماسىنىڭ 10 جوباسى سولتۇستىك قازاقستان وبلىسىندا جۇزەگە استى. بۇل باسقا وڭىرلەر ءۇشىن مال شارۋاشىلىعىنا ينۆەستيسيالار تارتۋدا جارقىن ۇلگى سانالادى.
«ال بيىل جالپى سوماسى 100 ملرد تەڭگەدەن اساتىن، 2،8 مىڭ جۇمىس ورنى قۇرىلاتىن 62 جوبانى ىسكە اسىرۋ جوسپارلانىپ وتىر»، - دەدى ەربول قاراشوكەيەۆ.