كولىكتەگى پوليسيا دەپارتامەنتىنىڭ قىزمەتكەرلەرى كەز كەلگەن قۇقىق بۇزۋشىلىققا “مۇلدەم توزبەۋشىلىك” قاعيداتى بويىنشا پروفيلاكتيكالىق ءىس-شارالاردى تۇراقتى نەگىزدە جۇرگىزەدى.
جىل باسىنان بەرى ەلىمىزدىڭ اۋە جانە تەمىرجول كولىگى وبەكتىلەرىندە قوعامدىق ورىنداردا ادامداردىڭ مازاسىن الىپ تيىسكەنى ءۇشىن 2841 ءتۇلعا اكىمشىلىك جاۋاپكەرشىلىككە تارتىلعان، ونىڭ ىشىندە 529-ى زاڭسىز تاكسي جۇرگىزۋشىسى.
ماسەلەن، وسى جىلدىڭ 11 قىركۇيەگىندە استانا قالاسى اۋەجايىنداعى جەلىلىك پوليسيا ءبولىمىنىڭ قىزمەتكەرلەرى كەلۋشى جولاۋشىلاردىڭ مازاسىن الىپ، جەكە تاسىمالداۋ قىزمەتىن ۇسىنعان 40 جانە 57 جاستاعى قالا تۇرعىندارىن انىقتاپ، ۇستادى. قۇقىق بۇزۋشىلار قوعامدىق ورىنداردا تيىسكەنى ءۇشىن اكىمشىلىك جاۋاپكەرشىلىككە تارتىلدى.
– جۇرتشىلىق پەن تۋريستەر جۇرگىزۋشىلەردىڭ دورەكى ءارى ادامنىڭ مازاسىن الىپ تيىسەتىن مىنەز-قۇلىقتارىنا نارازى. وسىعان دەيىن زاڭسىز تاسىمالداۋشىلاردىڭ شەتەلدىك ازاماتتاردى اۋەجايدان مەجەلى باراتىن جەرىنە دەيىن ادەيى كوتەرىلگەن جوعارى باعامەن تاسىمالداعان جاعدايلارى بولعان. ارينە، مۇنداي وقيعالاردان كەيىن ەلىمىزگە كەلگەن شەتەلدىك قوناقتاردا جاعىمسىز پىكىر قالىپتاسادى. مۇنداي فاكتىلەر ەشقاشان نازارىمىزدان تىس قالعان ەمەس، قۇقىق بۇزۋشىلار مىندەتتى تۇردە ءتيىستى جاۋاپقا تارتىلادى، – دەدى پد باستىعى باقىتجان مالىبايەۆ.
ەستەرىڭىزگە سالا كەتەيىك، قوعامدىق ورىنداردا ادامداردىڭ مازاسىن الىپ تيىسكەنى ءۇشىن ەسكەرتۋ نەمەسە 5 اەك مولشەرىندە ايىپپۇل قاراستىرىلعان، وسى قۇقىق بۇزۋشىلىقتى قايتالاپ جاساعان جاعدايدا 10 اەك مولشەرىندە ايىپپۇل نەمەسە بەس تاۋلىككە دەيىنگى مەرزىمگە اكىمشىلىك قاماۋعا الۋ كوزدەلگەن. شەتەلدىكتەر ءۇشىن مۇنداي قۇقىق بۇزۋشىلىق ءۇشىن 5 اەك ايىپپۇل، قاماۋعا الۋ نەمەسە ق ر شەگىنەن تىسقارى شىعارۋ كوزدەلگەن.