بيىلعى 7 ايدا جول ەرەجەسىن بۇزۋدىڭ 4 ملن-عا جۋىق جاعدايى انىقتالدى. بۇل تۋرالى ق ر ءىىم اكىمشىلىك پوليسيا كوميتەتى ءتوراعاسىنىڭ ورىنباسارى سەرىك ءتۇسىپوۆ ايتتى، دەپ حابارلايدى almaty-akshamy.kz قازاقپاراتقا سىلتەمە جاساپ.
«جىل باسىنان ەل جولدارىندا 7 180 جول-كولىك وقيعاسى تىركەلىپ، ونىڭ سالدارىنان 1 017 ادام قازا بولىپ، 9 533 ادام ءتۇرلى دەنە جاراقاتىن الدى»، - دەدى س. ءتۇسىپوۆ.
ونىڭ ايتۋىنشا، جولداعى قاۋىپسىزدىكتىڭ ايقىنداۋشى فاكتورى رەتىندە بۇرىنعىسىنشا جۇرگىزۋشىلەردىڭ ءتارتىبى قاراستىرىلىپ وتىر.
«بيىلعى 7 ايدا جول ەرەجەسىن بۇزۋدىڭ 4 ملن-عا جۋىق جاعدايى انىقتالدى. ونىڭ ىشىندە جىلدامدىقتى اسىرۋدىڭ 1،4 ملن فاكتىسى تىركەلدى»، - دەدى ۆەدومستۆو وكىلى.
بەلگىلى بولعانداي، وسى جىلى جول بەلگىلەرى تالاپتارى مەن تاڭبالاردى ەلەمەۋدىڭ 1 مىڭعا جۋىق وقيعاسى انىقتالدى. بۇدان باسقا، 13 مىڭنان استام جۇرگىزۋشى اۆتوكولىكتى ماس كۇيىندە باسقارعانى ءۇشىن ۇستالدى.