بيىل جەتى مىڭ قازاقستاندىق ەلدەن كوشىپ كەتكەن

ەحاقم كوشى-قون كوميتەتى ءتوراعاسىنىڭ ورىنباسارى ەربولات ابۋلحاتين ورتالىق كوممۋنيكاسيالار قىزمەتىندە وتكەن بريفينگتە كوشى-قون جايلى ايتتى، دەپ حابارلادى  Azattyq Ruhy.

«ءقازىر قازاقستاندا 359 پانا ىزدەۋشى جانە 327 بوسقىن بار. بۇۇ-نىڭ بوسقىندار ءىسى جونىندەگى جوعارى كوميسسارىنىڭ ورتالىق ازياداعى ايماقتىق باسقارماسىمەن بىرلەسىپ، ولاردىڭ الەۋمەتتىك جاعىنان قورعاۋ، جۇمىسپەن قامتۋ ماسەلەسى، مەديسينالىق، الەۋمەتتىك كومەك كورسەتۋ بويىنشا ءتيىستى وزگەرىستەر ازىرلەنىپ جاتىر.قازىرگى گەوساياسي احۋال ناتيجەسىندە بيىل كوشى-قون سالاسىنىڭ وڭ پروسەسى بايقالدى. 2023 جىلى ءبىرىنشى جارتىجىلدىعىنىڭ قورىتىندىسى بويىنشا وڭ پروسەسس – 6 650 ادام»، - دەدى ابۋلحاتين.

ول اتاعانداي، قازاقستاننان شەتەلگە 7 مىڭ ادام كوشىپ كەتسە، سول مەزگىلدە شەتەلدەن قازاقستانعا كوشىپ كەلگەندەر سانى – 13 612 ادام.

«كوشىپ كەلگەردەر باسىم بولىگى – ەڭبەككە قابىلەتتى، جاس ماماندار.سونداي-اق ىشكى-كوشى قونعا توقتالايىن. جىل باسىنان بەرى 400 مىڭعا جۋىق ادام ىشكى كوشى-قون پروسەسىنە قاتىستى. ونىڭ ىشىندە 182 مىڭنان اسا ادام ءوڭىرارالىق قونىس اۋدارۋ پروسەسىنە ءوز ۇلەسىن قوستى. بۇل ادامدار مەگاپوليستەرگە، وڭتۇستىكتەن سولتۇستىك وبلىستارعا كوشىپ كەلدى»، - دەدى ول.