عىلىم جانە جوعارى ءبىلىم مينيسترلىگى ستۋدەنتتەردى جاتاقحانا ورىندارىمەن قامتاماسىز ەتۋ جاعدايىنا قاتىستى تۇسىنىك بەردى، دەپ حابارلايدى Almaty-akshamy.kz Inform.kz-كە سىلتەمە جاساپ.
«رەسپۋبليكانىڭ 104 جوعارى وقۋ ورنىنداعى جاتاقحانا سانى 309-عا جەتىپ وتىر. بۇل جاتاقحانالارداعى ورىن سانى – 101 522. ونىڭ ىشىندە 15 324 ورنى بار 100 جاتاقحانا جالعا الىنعان. 6 قىركۇيەكتەگى جاعداي بويىنشا 87 مىڭنان استام ادام ۋنيۆەرسيتەت جاتاقحانالارىنا ورنالاستى»، - دەلىنگەن مينيسترلىكتىڭ قازاقپارات اگەنتتىگىنە بەرگەن مالىمەتىندە.
ۆەدومستۆو اقپاراتىنا قاراعاندا، ستۋدەنت جاستاردىڭ جاعدايىن جاقسارتۋ ماقساتىندا 2018 جىلدان باستاپ جاڭا جاتاقحانالار سالۋ جۇمىستارى جۇرگىزىلىپ جاتىر.
بۇل باستاما جۇزەگە اسىرۋ باستالعاننان بەرى جوعارى وقۋ ورىندارىندا 20 761 ورىنعا ەسەپتەلگەن 93 نىسان پايدالانۋعا بەرىلدى. سونىڭ اراسىندا 2022 جىلى 1 470 ورىنعا ارنالعان 6 نىسان تاپسىرىلدى.