بيىل COVID-19 جاڭا شتامىنىڭ پايدا بولۋى مۇمكىن بە؟

ميللياردەر گەيتستىڭ بولجاۋىنشا، COVID-19 جۇقپالى شتامىنىڭ 2021 جىلعىدان گورى ءقاۋىپتى ءتۇرى بولماۋى مۇمكىن.

بيلل گەيتس COVID-19 جاڭا شتامىنىڭ پايدا بولۋ ىقتيمالدىعىن باعالادى، دەپ حابارلايدى Almaty-akshamy.kz Lenta.ru سايتىنا سىلتەمە جاساي وتىرىپ.

مايكروسوفت كومپانياسىنىڭ نەگىزىن قالاۋشى بيلل گەيتس ءوزىنىڭ Twitter اككاۋنتىندا بيىل كوروناۆيرۋستىڭ جاڭا، جۇقپالى شتامىنىڭ پايدا بولۋ ىقتيمالدىعىن باعالادى.

ونىڭ ايتۋىنشا، 2022 جىلى COVID-19 جۇقپالى نۇسقاسىنىڭ پايدا بولۋى ەكىتالاي.

«جۇقپالى شتامنىڭ شىعۋى ەكىتالاي، ءبىراق پاندەميا كەزىندە ءبىز ونسىز دا كوپتەگەن توسىن سىيلارعا تاپ بولدىق»، - دەپ جازدى ول.

گەيتستىڭ ايتۋىنشا، «وميكرون» شتامىنىڭ اسەرىنەن كوپتەگەن ادامدا كەم دەگەندە تاعى ءبىر جىلعا يممۋنيتەت پايدا بولادى.

«مۇمكىن ءبىراز ۋاقىتقا دەيىن ءبىز جىل سايىن كوروناۆيرۋسقا قارسى ەكپە الۋىمىز كەرەك شىعار»، - دەيدى ول.

گەيتس بۇدان بۇرىن "وميكرون" شتامىنىڭ تولقىنى باسىلعاننان كەيىن الەمدە كوروناۆيرۋستىق ينفەكسيالاردىڭ سانى ازايادى دەپ بولجاعان. ونىڭ پىكىرىنشە، COVID-19 "وميكرون" شتامىنىڭ تولقىنى ءبىرقاتار ەلدىڭ دەنساۋلىق ساقتاۋ جۇيەسىن قيىندىققا ۇشىراتادى.

ميللياردەردىڭ ايتۋىنشا، اۋرۋدىڭ قاتتى اسقىنۋى ەكپە الماعان ازاماتتار اراسىندا بايقالادى. دەگەنمەن، گەيتس "وميكروندىق" تولقىننان كەيىن كوروناۆيرۋس اۋرۋى ازايادى دەگەن پىكىردە.