ەلىمىزدە جىل سايىن بالالارعا قاتىستى 2 مىڭعا جۋىق قىلمىس جاسالادى.
بۇل تۋرالى ارلامەنت ءماجىلىسى جانىنداعى قوعامدىق پالاتانىڭ وتىرىسىندا بالا قۇقىقتارى جونىندەگى ۋاكىل دينارا زاكييەۆا مالىمدەدى، دەپ حابارلايدى Almaty-akshamy.kz Qazaqstan.tv-عا سىلتەمە جاساپ.
ونىڭ ايتۋىنشا، بۇگىندە بالالارعا قارسى جاسالعان قىلمىس سانى 18 پايىزعا ارتقان. سونداي-اق، جاسوسپىرىمدەر اراسىندا دا قىلمىس ازايماي وتىر. قازىرگى تاڭدا پرەزيدەنتتىڭ تاپسىرماسىنا ساي قۇزىرلى ورگاندارمەن بىرلەسە زاڭ جوباسى ازىرلەنىپ جاتىر.
مەملەكەت باسشىسى حالىققا جولداۋىندا كامەلەتكە تولماعاندارعا قاتىستى زورلىق-زومبىلىقتىڭ كەز كەلگەن نىسانى ءۇشىن جازانى قاتاڭداتۋدى مىندەتتەگەن بولاتىن.
«كوبىنە جاۋاپكەرشىلىكتى كوبەيتۋ تۋرالى ۇسىنىستار ءتۇستى. اتا-انا، قىلمىسكەر، كۇدىكتىلەرگە قاتىستى جاۋاپكەرشىلىكتى قاتاڭداتۋ قارالىپ وتىر»، - دەيدى ءىىم اكىمشىلىك پوليسيا كوميتەتىنىڭ باسشىسى قايسار سۇلتانبايەۆ.