كاسىپورىنداردىڭ بارلىعى جىل سوڭىنا دەيىن اشىلادى
ەلىمىزدە بيىل ازىق-تۇلىك ءونىمىن شىعاراتىن 5 كاسىپورىن اشىلادى. ونى سالۋعا 15 ملرد تەڭگە جۇمسالعان، دەپ حابارلايدى Almaty-akshamy.kz LS سايتىنا سىلتەمە جاساپ.
اۋىل شارۋاشىلىق مينيسترلىگىنىڭ مالىمەتىنشە، جاڭا جوبالار نۇر-سۇلتان قالاسىندا، باتىس قازاقستان، پاۆلودار، جامبىل جانە قىزىلوردا وبلىستارىندا ىسكە قوسىلادى. بۇل نىسانداردا 632 جۇمىس ورىنى قۇرىلادى.
سونداي-اق ەلوردادا 1،7 ملرد تەڭگە تۇراتىن 3 كاسىپورىن سالىنادى. ولاردىڭ جالپى كۇشى جىلىنا 15،7 مىڭ توننا ءونىم شىعارۋعا قاۋقارلى. ول جەردە 350 ادام جۇمىسپەن قامتىلادى. بۇل نىساندار 2022 جىلدىڭ ناۋرىز، ماسىم جانە جەلتوقسان ايلارىندا ىسكە قوسىلادى دەپ جوسپارلانىپ وتىر.
وسى سياقتى تاعى ءۇش جوبا قىزىلوردا وبلىسىندا ىسكە قوسىلادى. وعان بولىنگەن ينۆەستيسيا 1،9 ملرد تەڭگە. مينيسترلىكتىڭ مالىمەتىنشە، بۇل نىسانداردىڭ اشىلۋى وسى جىلدىڭ كوكتەمى مەن كۇزىنە جوسپارلانعان. ال، باتىس قازاقستان وبلىسىندا سالىنىپ جاتقان ازىق-تۇلىك كاسىپورىنىنا 11 ملرد تەڭگە تارتىلعان. ول جىلىنا 6،2 مىڭ توننا ءونىم وندىرۋگە قاۋقارلى.
سونىمەن قاتار تاراز قالاسىندا دا جىلىنا 2،1 مىڭ توننا ءونىم شىعاراتىن كاسىپورىن سالىنىپ جاتىر. ونىڭ اشىلۋى كۇزگە بەلگىلەنگەن. بۇل ءوندىرىس ورىنىن سالۋعا 320 ملن تەڭگە تارتىلعان. كاسىپورىندا 170 ادام جۇمىس ىستەيتىن بولادى. ال، پاۆلودار وبلىسىندا وسى جىلدىڭ سوڭىنا قاراي ازىق-تۇلىك ءونىمان شىعاراتىن ءوندىرىس ورىنى اشىلادى. جىلىنا 13 مىڭ توننا ءونىم شىعاراتىن بۇل كاسىپورىندى سالۋعا 84 ملن تەڭگە تارتىلعان. ول جەردە 50 جۇمىس ورىنى قۇرىلادى.